
Kolberên di êrişa helîkopterê de hatin kuştin, spartin axê 

2021-09-23 16:55:27


	COLEMÊRG - Cenazeyên 2 kolberêm di êrişa helîkopterê ya Tirkiyê de hatin kuştin û duh derbasî Îranê hatin kirin, spartin axê.

	&nbsp;

	Di sêgoşeya mezraya Deraw a gundê Xaşkan ê navçeya Elbaka Wanê, gundê Bilindbasan ê navçeya Gevera Colemêrgê û gundê Kuranî yê bajarê Ûrmiye yê Kurdistana Rojhilat de di encama êrişa helîkopterê ya Tirkiyeyê ya di 20’ê Îlonê de kolber Sozdar Ehmed (19) û Elîşan Ehmed (16) jiyana xwe ji dest dan. Cenazeyê du kolberan ji bo otopsiyê birin Saziya Tiba Edlî (ATK) ya Colemêrgê û 9 kolberên jî ji aliyê eskeran ve hatin binçavkirin.&nbsp;

	&nbsp;

	Malbatên kolberên hatin kuştin Sozdar Ehmed û Elîşan Ehmedî duh hatin Saziya Tipa Edlî ya Colemêrgê û piştî otopsiyê cenazeyên zarokên xwe teslîm girtin.&nbsp;

	&nbsp;

	Cenazeyên kolberên hatin kuştin, di saetên serê sibê de, piştî wacîbeyên olî li gundê Kûranî ya girêdayî bajarê Ûrmiye ya Îranê hatin definkirin.&nbsp;

	&nbsp;

	KOLBER TESLÎMÎ ÎRANÊ KIRIN

	&nbsp;

	Li aliyê din kolberên bi navê Mikaîl Hatemî, Ferzad Hatemî, Diyar Hatemî, Axîn Hatêmî, Guldanî Hatemî, Zêro Hatemî, Kinyas Hatemî, Axacan Hatemî û Behzat Hatemî yên ji aliyên eskerên Tirk ve hatibûn binçavkirin jî teslîmî pasdarên Îranê hatin kirin.&nbsp;

	&nbsp;

	Malbatan, diyar kirin ku îşkence bi zarokên wan hatine kirin.&nbsp;

	&nbsp;

	&nbsp;