
Ji ber stran û govenda kurdî ceza li girtiyên jin hat birîn 

2021-09-07 11:58:18


	&nbsp;

	WAN - Li Hevşaredara Qerayaziyê Melîke Goksû û 3 girtiyên jin ên li Girtîgeha Sîncanê ya Jinan girtî ne, ji ber stran strîne û govend gerandine mehekê cezayê ragihandinê li wan hatiye birîn.&nbsp;

	&nbsp;

	Hevşaredara Navçeya Qerayaziya Erziromê Melîke Goksû, ku qeyûm li şûna wê hat bicihkirin, duh ji Girtîgeha Sîncanê ya Jinan ku lê girtî ye, telefonî malbata xwe kir.&nbsp;

	&nbsp;

	Goksu di hevdîtina li gel malbata xwe de diyar kir ku mehek berê ji ber stran strîne û govend gerandine &nbsp;cezayê dîsîplînê li wê û 3 hevalên wê yên girtî ku bi wî re di heman odeyê de ne, hat birîn.&nbsp;

	&nbsp;

	CEZAYÊ RAGIHANDINÊ DAN&nbsp;

	&nbsp;

	Goksu diyar kir ku govenda gerandine û stranên ku ew strîne bûne hêceta lêpirsîna dîsîplînê û ji bo wê û 3 girtiyên din mehek cezayê ragihandinê hatiye dayîn.

	&nbsp;

	Li Hevseroka Kongreya Civaka Demokratîk (KCD) Leyla Guven û 10 girtiyên jin ên li Girtîgeha Xarpêtê ya Jinan girtî ne, bi hinceta ku wan jî bi kurdî stran strîne, mehek cezayê ragihandinê, danûstandinê û serdanê hatibû birîn.&nbsp;

	&nbsp;

	&nbsp;