
Cismê ku zarokan li Tendûrekê dîtin teqiya: Kesek mir, 4 kes birîndar bûn 

2021-08-28 12:21:39


	AGIRÎ - Li navçeya Giyadinê, cisme ku zarokan li Çiyayê Tendûrekê dîtin û anîn malê, teqiya. Di teqînê de, kesekê jiyana xwe ji dest da û yek jê giran 4 kesên zarok jî di navê de, birîndar bûn.&nbsp;

	&nbsp;

	Li goma Çoban a gundê Haci Halît ê girêdayî navçeya Giyadinê ya Agiriyê, di malekê de teqîn çêbû. Di teqînê de Mehmet Tûran ê 50 salî jiyana xwe ji dest da, yek jî giran 4 kesên zarok jî di navê de birîndar bûn. Eskerên hatin cihê bûyer, dest bi lêkolînê kirin. Hat hînbûn ku derbarê bûyerê de dest bi lêpirsînê hatiye kirin. &nbsp;

	&nbsp;

	Li gorî agahiyên xizmên malbatê dan; zarokan li Çiyayê Tendurekê şivantî dikir. Cismekê li quntarên çiya dîtin, anîn malê. Piştre ev cism teqiya. Di teqînê de Mehmet Tûran jiyana xwe ji dest da û 4 kesên zarok jî di navê de birîndar bûn. Birîndar rakirin Nexweşxaneya Dewletê ya Giyadinê. Hat diyarkirin ku bedena Mehmet Tûran ji ber teqînê parçe bûye.&nbsp;

	&nbsp;