
Cihê herî xweş yê ku roj lê hiltê: Çiyayê Nemrûd

2021-08-27 09:24:32


	SEMSÛR -&nbsp;Her roj bi sedan kes ji bo ku temaşeyî hilatin û rojavabûna rojê bikin, tên Çiyayê Nemrûdê. Kesên ku piştî meşek dûr û zor xwe digihînin lûtkeya çiyê, di bêdengiya berbanga sibê de temaşeyî dîmenên bêhempa yên hilatina rojê dikin.

	&nbsp;

	Çiyayê Nemrûdê yê dikeve navçeya Kolik a Samsûrê, di Lîsteya Mîrateya Çanda Cîhanê UNESCO de cih digire. Her roja bi sedan kes ji bo ku derkevin Çiyayê Nemrûdê û temaşeyî hilatin û rojavabûna rojê bikin, ji berwarên tîk heya 40 deqeyan dest bi meşek dûr û zor dikin. Kesên ku piştî vê meşa zor û zehmet digihîjin lûtkeya çiyê, li pêş xwe peykerên gewre yên ji serdema Kraltiya Kommagene mayîne dibînin.

	&nbsp;

	

	&nbsp;

	Geştiyar ango kesên diçin serdana hilatina rojê ji ber sermayê bi betaniyan tên, li qurbangeha agir a pêş nîgarên kralê gewre, peykeyrên xwedê, şêr û teyr li benda hilatina rojê dimînin.

	&nbsp;

	Mêvanên ku bi ronahiya ewil ên tîrêjên rojê re, bi dîmenek bêhempa re rû bi rû dimînin, di nava bêdengiyê de, dest bi temaşekirina vê kêliya bedew û bi wate ya hilatina rojê dikin.

	&nbsp;

	MA / Lezgîn Akdenîz - Bîlal Gezer

	&nbsp;