
Li Stenbolê dayik û keça xwe hatin kuştin 

2021-08-25 11:41:48


	&nbsp;

	STENBOL - Li navçeya Kartalê zilamê bi navê Ahmet Ozcan dayika xwe Azîme û xwişka xwe Yasemîn Ozcan kuşt.&nbsp;

	&nbsp;

	Azîme Ozcan û keça wê Yasemîn Ozcan ên li Taxa Atalar a navçeya Kartal a Stenbolê rûdiniştin, li mala ku lê dijîyan mirî hatin dîtin. Piştî ku ji malê bêhna nexweş hat, şêniyên avahiyê li polîsan geriyan. Polîsên ku kilîtçêker anîn û derî vekirin li malê her du jin bi awayekî mirî dîtin. Di lêkolîna ewil a hat kirin de hat tespîtkirin ku her du jin bi amûrekî birînê hatine kuştin. Dûre cenazeyên her du jinan rakirin Saziya Tiba Edlî. Polîsan li cihê bûyerê lêkolîn pêk anî.&nbsp;

	&nbsp;

	Polîsan kurê Azîme Ozcan ê weke peywîrdarê ewlehiyê dixebite Ahmet Ozcan binçav kirin û birin Miduriyeta Polîsan a Kartalê. Ozcan cînayet îtîraf kir û derket holê ku Ozcan dayik û xwişka xwe di 23’yê tebaxê de kuştine û piştî du rojan hatiye cihê bûyerê û amûra bibir kiriye û biriye xistiye destê xwişka xwe û xwestiye cinayetê bixe stûyê wê. Wekî din hat hînbûn ku kujer xwestiye avahiya lê rûdinin bi dayika xwe bide firotin.&nbsp;

	&nbsp;

	Şêniyeke taxê jî derbarê bûyerê de wiha got: “Polîs beriya 2 saetan hatin. Dema ketin avahiyê em hîn bûn ku 2 jin hatine kuştin. Dayik û keça wê hatiye kuştin. Bawer im beriya du rojan çêbûye, kê kiriye ne diyar e. Polîs lêkolînê dikin.”

	&nbsp;