ROJEVA 2'YÊ TEBAXA 2021'AN

2021-08-02 09:00:04


	* Rojnamevan-nivîskar Ayşe Duzkan diyar kir ku AKP li ser kevneşopiya Îhvan tevger dike û polîtîkaya wê zayendperest wê ji partiyên din ên rastgir cuda dike û got: “Îtîraza ku dixwaze vê pergalê biguherîne, gelek wê aciz dike. Çimkî em jin dixwazin xwebixwe çarenûsa xwe diyar bikin.” 

	* Civaknasê êzidî Azad Bariş destnîşan kir ku fermana li ser êzidiyan hêj berdewam dike û got: “Her kesî fêm kir ku êdî nikarin fermanê bînin serê êzidiyan lê hin minafiqên li herêmê hêj li ser kar in.” 

	 

	* Serokê partiya êzidiyan PADÊ Emer Salih banga vegera Şengalê li êzidiyan kir got: “Şengal ji nûve ava bûye. Em ê Şengalê di her şert û merci de biparêzin.” 

	 

	* Derbarê rêveberê MEBYA-DER’ê Azîz Olçen de îdianame hat amadekirin. Di îdianameyê de kartvîzîtê ÎHD’ê wek delîliya “endamtiya rêxistinê” hatiye nîşandan.

	 

	* Şanoya Bajêr a Amedê bi lîstikek nû derdikeve pêşberî şanohezan. Yekem car lîstika Don Kîşot bi kurdî hat amadekirin û wê di 29’ê hezîranê de promiyera lîstikê were pêşandan. 

	 

	* Çalakiya Nobeta Edaletê ya malbata Şenyaşar di roja 147'emîn dewam dike.

	 

	*Sazî û rêxistinên rojnamegeran, wê têkildarî êrişên li dijî rojnamegeran, li avahiya Şaxa ÎHD'ê ya Amedê civîna çapemeniyê li dar bixin. (12.00)

	 

	* KCD, DBP û TJA, dê derbarê êrişa nijadperest a li Konyayê pêk hat de, li navçeya Rezan a Amedê daxuyanî bidin çapemeniyê. (18.00)