
Parêzerê malbata hat kuştin: Êrîşkaran cesaret ji bêcezatiyê girt  

2021-07-30 21:38:13


	&nbsp;

	NAVENDA NÛÇEYAN – Abdûrrahman Karabûlût, parêzerê malbata kurd ku li Konyayê hat kuştin, got: "Ev, êrîşeke nîjapdrest e. Cesaret ji bêcezatiyê girtin."&nbsp;

	&nbsp;

	Li Taxa Hasankoy a navçeya Meram a Konyayê li hemberî malbata kurd Dedeogûllari êrîşeke çekdarî pêk hat. Di êrîşê de Yaşar, Bariş, Serpîl, Serap, Îpek, Metîn û Sîbel Dedeoglû hatin kuştin. Êrîşkaran piştî êrîşê, xaniyê malbatê dan ber agir û ji cihê bûyerê reviyan.&nbsp;

	&nbsp;

	ÊRÎŞA NÎJADPEREST

	&nbsp;

	Parêzerê malbatê Abdûrrahman Karabûlût, têkildarî êrîşê ji Arti TV'yê re got: "Ewilî di 12'ê Gulanê de komeke 50-60 kes êrîş biribû ser malbatê. 7 kes hatibûn girtin. Lê her carê kesek an du kes dihatin berdan. Me hewl da hin kesên din bên girtin, lê me dît hemû hatin berdan."&nbsp;

	&nbsp;

	Karabûlût, bilêv kir ku êrîş, êrîşeke nîjadperest e û got: "Cesaret ji bêcezatiyê girtin. Malbat 3 saet berê li cem min bû. Min derbarê lêpirsînê de ew serwext kiribûn. Dibêjin kesên nenas, lê ev êrîş girêdayî êrîşa berê ye."&nbsp;