
Pasdarên Îranê îşkenceyek giran li kolberan kirin

2021-07-19 15:05:12


	&nbsp;

	NAVENDA NÛÇEYAN – Pasdarên Îranê, li Niqteya Kontrolê ya Saqiz a dikeve navçeya Çaldiran a li ser sînorê Îranê, 5 kolber rawestandin, tazî kirin û dûre îşkenceyek giran li wan kirin.

	&nbsp;

	Tora Mafên Mirovan a Kurdistanê ku binpêkirinên mafên mirovan ên li Îranê aşkere dike û dike belge, bûyera îşkencê ya li ser xeta sînor li koberan hat kirin, ragihand. Li nêzî gundê Îsa Golik a li ser xeta sînor a navçeya Çaldiranê ya Îranê, 5 kolber li Niqteya Kontrolê ya Saqizê ku dibin fermandariya kesê bi navê Sadikzade de ye hatin rawestandin û îşkenceyek giran li wan hat kirin. 5 kolberên bi navê Cemal Hesenpûr, Baran Hesenpûr, Hiseyn Feyrûzî, Welî Muqîmî û Hemîd Abdullahzade, li niqteya kontrolê kincên wan ji wan hatin xistin û bi awayekî herî giran hatin îşkencekirin.&nbsp;

	&nbsp;

	BÛYER VEGOTIN

	&nbsp;

	Koberan di vîdeoyên kişandin de, tiştên hatin serê wan vegotin. Kolberan, diyar kirin ku pastaran ewil destûr dan wan ku derbas bibin, lê &nbsp;dûre hatin rawestandin û îşkence bi wan kirin. Di dîmenan de, tê dîtin ku hin kolberên îşkence li wan hatine kirin, tenê dikarin bi alîkariya hevalên xwe bimeşin.

	&nbsp;

	Li gorî agahiyên çavkaniyên herêmê; kolber Hemîd Abdullahzade yê ji ber îşkenceyê bi giranî birîndar bibû li Nexweşxaneya Qamer Benî Haşim a li Makoyê û 4 kolberên din jî, li Nexweşxaneya Çaldiranê tên dermankirin.

	&nbsp;

	&nbsp;