
DAD’ê serdana DÎAY-DER’ê kir

2021-07-12 17:30:01


	&nbsp;

	STENBOL - DAD’ê, serdana DÎAY-DER’a ku rojên borî ji ber xwendina xutbeya kurdî 9 endamên wê hatin girtin kir.&nbsp;

	&nbsp;

	Komeleya Elewiyên Demokratîk (DAD), serdana Komeleya Piştevanî û Alîkariyê ya Alimên Olî (DÎAY-DER) ku ji ber xwendina xutbeya kurdî 9 endamên wê hatin girtin kir. Di serdana ku li avahiya DÎAY-DER’ê ya li navçeya Bahçelîevlera Stenbolê pêk hat de bi kurdî û tirkî pankarta “Ol aştî ye, biratî ye û wekhevî ye” hat daliqandin.

	&nbsp;

	‘MA XWEDÊ KURDÎ NIZANE?’ &nbsp;&nbsp;

	&nbsp;

	Pîrê Mala Cemê ya Komeleya Çandê ya Pîr Sûltan Abdal Mehmet Karabûlût pirsa “Îbadeta bi zimanê dayikê çawa dibe sûc?” kir û wiha got: “Ma Xwedê kurdî nizane, tenê erebî dizane? Na. Divê ev gel heta hetayê mafê îbadeta bi zimanê dayikê biparêze heke wê behsa demokrasiyê ya li vî welatî bibe gotinek.”

	&nbsp;

	‘NIKARIN QEDEXE BIKIN’

	&nbsp;

	Ji Meclîsa Pîrên DAD’ê Îbrahîm Erdogan jî diyar kir ku ji berê ve li dijî vê hişmendiyê têdikoşin û bi lêv kir ku wê têkoşîna xwe bidomînin jî. Erdogan destnîşan kir ku kesên ji Xwedê bawer dikin ji wî re şirîk çêdikin û wiha got: “Zimanê Xwedê nikarin qedexe bikin. Polîtîkayên asîmîlasyonê yên bi salan e pêk tînin hedê xwe derbas kiriye. Heke desthilat me tune bihesibîne divê em bi hev re bin û xwe bi hêztir bidin xuyakirin.”

	&nbsp;

	Serokê Mala Cemê ya Gaziyê Haşîm Kizildere jî bi lêv kir ku girtinên pêk hatine zilm e û diyar kir ku tu civak ji ber ol û baweriya xwe nikare were cihekirin. &nbsp;

	&nbsp;