
Girtiyê nexweş Huseyîn Îdîg jiyana xwe ji dest da

2021-07-12 10:14:33


	&nbsp;

	SÊRT - Girtiyê nexweş Huseyîn Îdig ku 26 salan girtî mabû û înfaza wî hatibû taloqkirin, li nexweşxaneyê jiyana xwe ji dest da.&nbsp;

	&nbsp;

	Girtiyê nexweş Huseyîn Îdîg ku 26 salan girtî mabû û înfaza wî hatibû taloqkirin, li Nexweşxaneya Dewletê ya Misircê ya Sêrtê jiyana xwe ji dest da. Îdîg, piştî ku 26 salan girtî ma, dema li Girtîgeha Amedê Tîpa D girtîbû, di sala 2018’an de ji ber nexweşiyên wî înfaza wî hatibû taloqkirin û hatibû berdan. &nbsp;

	&nbsp;

	MED TUHAD-FED’ê li ser hesabê xwe yê Twitterê agahî parve kir ku girtiyê nexweş ê giran Huseyîn Îdîg li nexweşxaneya lê dihat dermankirin jiyana xwe ji dest daye.&nbsp;

	&nbsp;

	Malbatê û rêveberê komeleya girtiyan piştî ku cenaze ji morga nexweşxaneyê ya Misirca Sêrtê wergirtin, duh li gundê Siertan ê bi ser navçeya Misirca Sêrtê veşartin. Endam û rêveberên TUAY-DER’ê yên Amed û Sêrtê û rêveberên HDP’ê tev li merasima cenaze bûn. Hat diyarkirin ku şîna ji bo Îdig hatiye danîn wê sibê bi dawî bibe.&nbsp;

	&nbsp;

	MED TUHAD-FED’ê destnîşan kir ku bi sedan girtiyên nexweş ên li sînorê mirinê hene û nayên berdan û xwest hemû girtiyên nexweş werin berdan.

	&nbsp;