21 fezlekeyên din pêşkêşî Meclîsê hatin kirin  

2021-07-01 11:41:32


	 

	ENQERE - Hevseroka Giştî ya DBP’ê Salîha Aydenîz û Serokê Giştî yê CHP’ê Kemal Kiliçdaroglû jî di nav de 15 jê HDP’yî derbarê 20 parlamenteran de 21 fezleke pêşkêşî Meclîsê hatin kirin. 

	 

	Hevseroka Giştî ya DBP’ê Salîha Aydenîz û Serokê Giştî yê CHP’ê Kemal Kiliçdaroglû jî di nav de 15 jê parlamenterên HDP’ê û parlementerek Partiya ÎYÎ, parlamenterek Partiya Demokrat, parlamenterek TÎP’ê derbarê 20 parlamenteran de 21 fezlekeyên nû hatin amadekirin û şandin Komîsyona Destûra Bingehîn û Edaletê ya Meclîsê. Derbarê Salîha Aydenîz de du fezleke hatin amadekirin. 

	 

	Navên parlamenterên derbarê wan de fezleke hatine amadekirin wiha ne: 

	 

	Hevseroka Giştî ya DBP’ê Salîha Aydenîz (2), Serokê Giştî yê CHP’ê Kemal Kiliçdaroglû, Parlamentera HDP’ê ya Îzmîrê Serpîl Kemalbay Pekgozegu, Parlamenterê HDP’ê yê Şirnexê Huseyîn Kaçmaz, Parlamenterê HDP’ê yê Îzmîrê Murat Çepnî. Parlamenterê HDP’ê yê Îdirê Habîp Eksîk, Parlamenterê HDP’ê yê Wanê Sezaî Temellî, Parlamenterê HDP’ê yê Stenbolê Hakki Sarûhan Olûç, Parlamenterê HDP’ê yê Rihayê Nûsrettîn Maçîn, Parlamneterê HDP’ê yê Amedê İmam Taşçier, Parlamentera HDP’ê ya Rihayê Ayşe Surucu, Parlamentera HDP’ê ya Amedê Dersim Dag, Parlamenterê HDP’ê yê Stenbolê Zeynel Ozen, Parlamentera HDP’ê ya Şirnexê Nûran Îmîr, Parlamenterê HDP’ê yê Mûşê Mensûr Işik, Parlamentera HDP’ê ya Êlihê Ayşe Acar Başaran, Parlamentera HDP’ê ya Mûşê Şevîn Coşkûn, Parlamenterê Partiya ÎYÎ yê Stenbolê Ahmet Çelîk, Parlamenterê Partiya Demokrat ê Ordûyê Cemal Engînyûrt, Parlamenterê TÎP’ê yê Hatayê Bariş Atay Mengulluoglû.”