
Doza xwendekarên Bogazîçiyê hat taloqkirin  

2021-06-28 15:13:40


	&nbsp;

	STENBOL - Danişîna doza derbarê xwendekarên Zanîngeha Bogazîçiyê ku li dijî tayînkirin rektorê qeyûm Melîh Bûlû derketibûn hat taloqkirin.&nbsp;

	&nbsp;

	Bi îmzeya Serokkomarê AKP’yî Tayyîp Erdogan, Melîh Bûlû yê AKP’yî wek rektorê qeyûm tayînî Zanîngeha Bogazîçiyê hat kirin. Xwendekarên Zanîngeha Bogazîçiyê li dijî vê serî rakirin û çalakiyên domdirêj li dar xistin. 12 xwendekarên beşdarî daxuyanî û çalakiyan bûn tên darizandin. Danişîna 2’yemîn a doza xwendekaran li 24’emîn Dadgeha Cezayê Asliyê ya Çaglayana Stenbolê hat lidarxistin. Xwendekar û parêzerên xwe beşdarî danişînê bûn.

	&nbsp;

	Xwendekaran di parastinên xwe de diyar kirin ku wan mafê xwe yê demokratîk bikar anîne û beşdarî çalakî û daxuyaniyan bûne û sûcên li ser xwe red kirin. Parêzeran miwekîlên xwe parastin û destnîşan kirin kul i darxistina çalakiyan ne qedexe ye û mafên xwe yên demokratîk bikar anîne.&nbsp;

	&nbsp;

	Şandeya dadgehê daxwaza beraetê red kir û biryara rakirina sepana kontrola edlî rakir. Danişînek din jî taloqî 13’ê cotmehê kir.&nbsp;

	&nbsp;