
ÎHD’ê bang kir ku nexweşê bîpolar û şîzofreniyê Aydemîr were berdan 

2021-06-26 15:41:02


	&nbsp;

	STENBOL - Komîsyona Girtîgehê ya ÎHD’ê di “Rûniştina F” a vê hefteyê de, bal kişand ser rewşa nexweşê bîpolar û şîzofreniyê Samet Aydemîr û bang kir ku were berdan.&nbsp;

	&nbsp;

	Komîsyona Girtîgehan a Şaxa Komeleya Mafê Mirovan (ÎHD) a Stenbolê, di hefteya 483’yemîn de çalakiya “Rûniştina F” bi awayekî online li dar xist û bal kişand ser rewşa girtiyê nexweşê bîpolar û şîzofreniyê Samet Aydemîr ku 4 sal in li Girtîgeha Tîpa T a Hejmara 2 ya Bandirmayê tê ragirtin. Endama Komîsyona Girtîgehan Nûray Şîmşek daxuyanî xwend.&nbsp;

	&nbsp;

	PIRSGIRÊK GIRAN DIBIN

	&nbsp;

	Şîmşek, diyar kir ku ligel binpêkirinên mafan ên li girtîgehan pirsgirêkên xwe gihandina tenduristiyê her ku diçe girantir dibin û wiha got: “Rewş hatiye asta ku gefan li mafê jiyanê yê girtiyan bixwin.”

	&nbsp;

	NEXWEŞÊ BÎPOLAR Û ŞÎZOFRENIYÊ YE

	&nbsp;

	Şîmşek, da zanîn ku ji Aydemîr ê teşhîsa nexweşiyên bîpolar û şîzofreniyê danîne ser re 20 sal cezayê hefsê hatiye dayîn û wiha axivî: “Aydemîr, di girtîgehê de gelek caran hewl da ku xwe bikuje. Ji bo tedawiyê gelek caran ji Girtîgeha Tîpa H a Eskîşehîrê birine Girtîgeha Tîpa R a Metrîsê û ji wir jî birine Nexweşxaneya Nexweşiyên Rehik û Ruh a Bakirkoyê û dîsa anîna girtîgehê. Bi dermanên dane wî hewl dane ku zirarê nede xwe û derdora xwe.”

	&nbsp;

	Şîmşek, bi lêv kir ku Aydemîr, herî dawî di 27’ê gulanê de dîsa birine Nexweşxaneya Nexweşiyên Rehik û Ruh a Bakirkoyê û wiha berdewam kir: “Kekê Aydemîr destnîşan kir ku her ku diçe rewşa wî nexweş dibe û divê li nexweşxaneyeke baş were tedawîkirin.”

	&nbsp;

	DAXWAZA BERDANÊ&nbsp;

	&nbsp;

	Nûray Şîmşek, xwest ku rîskên di pêvajoya pandemiyê de li berçav werin girtin, Aydemîr û hemû girtiyên nexweş, astengdar, pîr û kal ji bo mafên wan ên jiyanê werin parastin bên berdan û bang kir ku rayedar peywîra xwe cih bînin û raya giştî jî bi hestiyar tevbigere.

	&nbsp;

	&nbsp;