
Di Konferansa Demokrasiyê de nirxandina têkoşîna hevpar hat kirin 

2021-06-24 14:32:05


	&nbsp;

	STENBOL - Koma xebatê ya di Konferansa Demokrasiyê de axivîn, diyar kirin ku ger demokrasî û aştî nebe, tu tişt nayê çareser kirin û gotin; “Di şerê dewam dike de, lêgerîna maf a hemû beşan hatin tepisandin.” &nbsp;

	&nbsp;

	Konferansa Demokrasiyê ya ku armanca dike daxwaz û têkoşîna hemû beşên civakê hevpar bike û demek dirêj bû amadekariyên wê dewam dikirin, didome. Piştî axaftina Riza Turmen, Koma Xebatê ya Kedê di konferansê de mafê axaftinê girt. Ozgur Karabûlût ê li ser navê Koma Xebatê ya Kedê axivî û diyar kir ku gavên ku bi bernameya neo-lîberal re guncan bûn, bi AKP’ê mezintir bûn.

	&nbsp;

	DAXWAZA KARKEAN AŞTIYE

	&nbsp;

	Karabûlût, pirsgirêkên weke rêxistinbûyînê, mafê grevê, bêewlkariyê, bêkartiyê, rewşa karkerên çandiniyê, penaberan, KHK’iyan, cînayetên kar, xebatên ne fermî, keda jinê, emekdar û ekolojiyê vegotin û wiha bilêv kir: “Em dizanin ku çavkaniyên ji şer û tundiyê re hatine veqetandin, di feqîrbûna me de pişkek girîng heye. Ji gelek çavkaniyan lêçûn ji bo şer û çekan tên xerçkirin. Di heman demê de, ji ber şer û tundiyê daxwazên cîna karkeran û emekdaran nayên dîtin. Hemû lêgerînên karkeran bi tuneyê tên tepisandin. Ji ber vê daxwaza bingehîn a cîna karkeran aştiye.”

	&nbsp;

	‘WÊ TÊKOŞÎNA DENÎZ POYRAZ DEWAM BIKE’

	&nbsp;

	Dûre Mesût Toprak ê bi Koda 29’an ji kar hatibû avêtin axivî û wiha got: “Bi qanûnên ku AKP’ê derxistine, karsaz tên parastin, karker jî mehkûmê mirin û birçîbûnê tên kirin.”

	&nbsp;

	Karkerê înşaetê Omer Çelîk jî, dest nîşna kir ku ev konferans konferansa maf a gelane û ev nirxandin kir: “Rêhevala me Denîz Poyraz a ku ji bo perwerdeya zimanê zikmakî, welatek demokratîk û welatiyek wekhev têdikoşiya, hat qetilkirin. Yên ku ew qetil kirin, bila baş zanibin ku emê têkoşînê wê dewam bikin.”

	&nbsp;

	‘AKADEMÎ Û ZANIST NE AZADIN’

	&nbsp;

	Beyzade Sayin jî, danezana Koma Xebatê ya Akademiya Zanistê xwend. Sayin, pirsgirêkên di cîhana akademî û zanistê de, tên jiyîn vegotin. Sayin, anî zimanm ku qada akademî û zanistê ne azadin û wiha got: “Divê ev pirsgirêk bên derbas kirin û çareser kirin.”

	&nbsp;

	‘GER DEMOKRASÎ TUNE BE ABORÎ JÎ TUNEYE’

	&nbsp;

	Piştre danezana li ser navê Koma Xebata Demokratîk a di Aboriyê de hat xwendin. Mert Karabacak ê danezan xwend, bal kişand ser rola bernameya demokratîk a aboriyê.

	&nbsp;

	DAXWAZÊN JINAN

	&nbsp;

	Cemîle Baklaci jî danezana li ser navê Koma Xebata Jinan hatibû amadekirin xwend û diyar kir ku polîtîkayên şer mafên hemwelatiyê yên wekhev ên jinan bikar nayîne, bêkarî û hejariya jinan zêde bûye. Baklaci, anî ziman ku daxwazên jinan di nav pîvanên girîng ên demokrasiyê de cih digirin û ji bo hemû kesan daxwaza azadiyê kir.

	&nbsp;