
Şertên kontrola edlî yên Hevşaredar Elîk û Oncu hatin rakirin

2021-06-22 15:41:38


	&nbsp;

	MÊRDÎN - Şertên kontrola edlî yên Hevşaredara Qoserê Nîlufer Elîk Yilmaz û Hevşaredara Stewrê Gulîstan Oncu hatin rakirin.&nbsp;

	&nbsp;

	5’emîn danişîna doza Hevşaredara Qoserê Nîlufer Elîk Yilmaz û Hevşaredara Stewrê Gulistan Oncu yên piştî ku ji aliyê Wezareta Karên Hûndir ve qeyûm hat tayîn şûna wan hatibû kirin, hatibûn girtin, li 2’yemîn Dadgeha Cezayê Giran a Mêrdînê hat dîtin. Hevşaredarên ku negirtî tên darizandin ji ber pirsgirêkên xwe yên tenduristiyê beşdarî danişînê nebûn. Danişîna ku parêzer amadebûn bi tespîta nasnameyan dest pê kir.&nbsp;

	&nbsp;

	Parêzerên ku di danişînê de daxwazên xwe anîn ziman, diyar kirin ku beyanên “şahidê nepen” ên derbarê Elîk û Oncu de û hêmanên ku weke delîl xistin dosyayê hemû vala hatine derxistin û xwestin ku demildest biryara beraetê were dayîn. Dozger xwest ku derbarê hevşaredaran de bi îdiaya “endamtiya rêxistinê” ceza were dayîn. Şandeya dadgehê hin daxwazên parêzeran qebûl kir û biryara şertê kontrola edlî ya derbarê hevşaredaran de were rakirin da.&nbsp;

	&nbsp;

	Dadgehê danişîn taloqî 4’ê mijdarê kir.&nbsp;

	&nbsp;