Li Colemêrgê serdegirtina malan: 4 jinên HDP'î hatin binçavkirin 

2021-06-11 10:11:18


	COLEMÊRG - Li navenda Colemêrgê û navçeya wê Şemzînanê, polîsan bi ser malan de girtin û 4 siyasetmedarên jin binçav kirin.

	 

	Polîsan di çarçoveya lêpirsîneke Serdozgeriya Komarê ya Colemêrgê bi rêve bir de, li navenda bajêr û navçeya Şemzînanê ya Colemêrgê, di saetên serê sibê de bi ser malan de girtin. Polîsan di serdegirtinên malan de, Hevserokê HDP'ê yê berê Sîpan Tûran,  Hevseroka Navçeya Navendî Sînem Seven, Berdevka Meclîsa Jinan a Colemêrgê Zeynep Kaya û Hevseroka Navçeya Şemzînanê Sozdar Atîlla binçav kirin. 

	 

	Jinên HDP'î yên hinceta binçavkirina wan nehat zanîn, birin Miduriyeta Polîsan a Colemêrgê.

	 

	Hat diyarkirin ku di çarçoveya lêpirsîne de,  bang li endamê Meclîsa HDP'ê Erol Cengîn, Hevserokên Geverê Şadiye Kirmizigul û Abdulkerîm Akdogan, parêzer Harîka Gunay Karataş, Orhan Gur û Îsmaîl Seven hat kirin ku îfadeyê bidin.