
Parlamenterên kurd û Iraqê wê li Metînayê lêkolînê bikin

2021-06-08 13:47:13


	NAVENDA NÛÇEYAN - Şandeyeke ku ji parlamenterên Parlementoya Iraqê û Herêma Kurdistanê pêk tê, dê li Metînayê cihê ku wesayîta pêşmergeyan lê teqiyabû lêkolînan bike. Şande wê piştî lêkolînê raporek amade bike.&nbsp;

	Di 5'ê hezîranê de dema konvoya pêşmergeyên PDK’ê ber bi herêma Metînayê ve diçû li dijî wê teqîneke mezin pêk hat. Di teqînê de 5 pêşmergeyan jiyana xwe ji dest da û 4 jî birîndar bûn. Li ser vê yekê Şandeyeke ku ji parlamenterên Parlementoya Iraqê û Herêma Kurdistanê pêk tê hat avakirin. Şande wê li heremê lêkolînan bike.&nbsp;

	&nbsp;

	WÊ RAPOREKÊ AMADE BIKE

	&nbsp;

	Li gorî nûçeya ku der barê mijarê de di Rojnews’ê de cih digire; wê şande biçe seredana herema Metînayê. Parlamenterê Goranê Şaxewan Reuf ku di şandeyê de cih digire têkildarî mijarê ev agahî dane: "Şande nûnertiya Parlamentoya Iraq û Herêma Kurdistanê dike. Di şandeyê de nûnerên fraksiyonan û lijneyên peywendîdar yên herêmê jî hene. Em ê îro biçin Zaxo, Şeraniş, Batûfa û sibe jî biçin herêma Amêdiyê. Em dixwazin cihên bûyerên dawî lê qewimîne bibînin, bi taybet jî bûyera şehîdbûna pêşmergeyan. Piştî serdana me temam bû, em ê raporek hevbeş, li ser encamên seredana xwe amade bikin.”

	&nbsp;

	KCK’Ê BANG KIRIBÛ

	&nbsp;

	Ji aliyê din KCK’ê têkildarî têqînê bang kiribû ku şandeyeke serbixwe û bêalî biçe heremê lêkolînan bike.

	&nbsp;