
Ji DFG'ê rapora meha gulanê: 7 nûçe û 11 malper hatin astengkirin 

2021-06-04 13:40:35


	&nbsp;

	AMED – Li gorî rapora binpêkirina mafên rojnamegeran a DFG’ê di meha gulanê de bi ser mala rojnamegerekî de hatiye girtin, rojnamegerek hatiye binçavkirin û 7 nûçe û 11 malper hatin astengkirin.

	&nbsp;Komeleya Rojnamegeran a Dîcel Firatê (DFG), rapora xwe ya binpêkirinên mafên rojnamegeran a meha gulanê aşkera kir. Di raporê de hat diyarkirin ku amûrên zextê yên li ser rojnamegeran di meha gulanê de zindî hatine hiştin û gelek pêkanînên ku xesar bidin azadiya çapemeniyê ketine meriyetê.&nbsp;

	&nbsp;

	PEYAMA NÛÇE ÇÊNEKIN

	&nbsp;

	Di raporê de qala serdegirtina mala rojnamegerê ku nelirêtiyên Şaredariya Osmaniyeyê derxistibû holê hat kirin û têkildarî mijarê ev nirxandin hat kirin: “Ji ber derxistina holê ya nelirêtiyê polisan bi ser mala rojnameger de girtin û lêdan. Bi van rêbazan &nbsp;peyama ku “nûçeyan çênekin” didin rojnamegeran.”

	&nbsp;

	‘ROJNAMEGER NE SÎXURÊ WE NE’

	&nbsp;

	Di berdewama raporê de revandin û ferzkirina sîxurtiyê ya li nûçegîhanê Ajansa Mezopotamyayê (MA) Lezgîn Tekay jî hat bibîrxistin û têkildarî mijarê ev tişt hat gotin: “Kesên ku xwe weke “mirovên îstixbaratê” dan nasîn rojnameger Tekay revandin û bi qasî 2 saetan sîxurtiyê lê ferzkirin. Em van pêkanînan şermezar dikin. Rojnameger ne sîxurê we ne. Heke hûn bi israr dixwazin agahiyan bigirin nûçeyên rojnamegerên ku bi wêrekî nûçeyan çêdikin bişopînin.”

	&nbsp;

	BINPÊKIRINÊN MAFAN

	&nbsp;

	Di raporê de binpêkirinên mafan ên meha gulanê wiha hatine rêzkirin:&nbsp;

	&nbsp;

	* Rojnamegerek hat binçavkirin

	&nbsp;

	* Bi ser mala rojnamerekî &nbsp;de hat girtin.&nbsp;

	&nbsp;

	* Êrîş li rojnamegerek hat kirin.

	&nbsp;

	* 4 Rojnameger dema şopandina nûçeyan hatin astengkirin.&nbsp;

	&nbsp;

	* Derbarê rojnamegerek de lêpirsîn hat destpêkirin.

	&nbsp;

	* Derbarê rojnamegerek de doz hat vekirin.&nbsp;

	&nbsp;

	* Ceza li rojnamegerek hat birîn.&nbsp;

	&nbsp;

	* Darizandina 18 rojnamegeran hat berdewamkirin.&nbsp;

	&nbsp;

	* Rojnamegerek li girtîgehê mafên wî hatin binpêkirin.&nbsp;

	&nbsp;

	* Li rojnameyekê cezayê îlanê hat birîn.&nbsp;

	&nbsp;

	* 7 nûçe, 11 malper û 123 naverokên medya sanal hatin astengkirin.&nbsp;

	&nbsp;

	* 4 rojnameger ji kar hatin derxistin.&nbsp;

	&nbsp;

	Li gorî raporê li girtîgehan 70 rojnameger girtî ne.&nbsp;

	&nbsp;