
Daxwaza girtina polîsê ku Oner kuştibû dîsa hat redkirin

2021-05-27 13:05:30


	AMED - Dadgehê daxwaza girtina polîs Selahattîn K. ê bi erebeya zirxî Şahîn Oner perçiqand û kuştibû carek din red kir.&nbsp;

	Polîs Selahattîn K. di 10’ê Sibata 2013’an de, di xwepêşandeneke şermezarkirinê ya li Taxa Şehîtlîk a navçeya Yenîşehîr a Amedê de, bi erebeya zirxî Şahîn Oner perçiqand û bûbû sedema mirina wî. Danişîna doza ku polîs Selahattîn K. jê tê darizandin li 1’emîn Dadgeha Cezayê Giran a Amedê hat dîtin. Selahattîn K. ê ji sûcê “bi zanebûn kuştinê” tê darizandin û parêzerê wî tevlî danişînê nebûn. Malbata Oner û parêzerên wî Abdulah Zeytûn û Ercan Yilmaz di danişînê de amade bûn.&nbsp;

	&nbsp;

	Di danişînê de rapora pispor a hatibû amadekirin teblîxî parêzeran hat kirin. Parêzer Zeytûn ji dadgehê ji bo rapora pispor lêkolîn bikin wext xwest. Zeytûn, xwest ku bersûc polîs Selahattîn K. jî were girtin.&nbsp;

	&nbsp;

	Dadgehê daxwaza parêzer a girtina polîs red kir, daxwaza wext xwestinê qebûl kir û danişîn taloqî 24’ê Hezîranê kir.&nbsp;

	&nbsp;

	&nbsp;

	&nbsp;