
Sindoqên hilbijartinê tenê li herêmên rejîmê hatin danîn 

2021-05-26 11:21:18


	&nbsp;

	QAMIŞLO – Li Sûriyeyê, ji bo diyarkirina serokê dewletê li herêmên di bin kontrola rejîmê de sindoq hatin danîn û dengdayînê dest pê kir.&nbsp;

	&nbsp;

	Li Sûriyeyê li herêmên di bin kontrola rejîmê de ji bo diyarkirina serokê dewletê sindoq hatin danîn. Ji bo serokdewletiyê 3 namzet tevlî hilbijartinê bûne. Bi serokdewletê niha Beşar Esad re Abdallah Saloum Abdallah û Mahmoûd Ahmed Mareî tevlî hilbijartinê bûne û li dijî hev di pêşbirkê de ne.&nbsp;

	&nbsp;

	Piştî danîna sindoqan saet di 07.0’an de dengdayînê dest pê kir û dê heta saet 19.00’an dengdayîn bidome. Li herêmên di bin kontrola Rêveberiya Xweser a Bakur û Rojhilatê Sûriyeyê û Artêşa Neteweyî ya Sûriyeyê (SMO) de sindoq nehatin danîn û hilbijartin li wan nayê kirin.&nbsp;

	&nbsp;

	Wezareta Karên Hundir a Sûriyeyê, ragihand ku li bendê ne 18 milyon kes tevlî hilbijartinê bibin û dengê xwe bi kar bînin.&nbsp;

	&nbsp;

	Mevlisa Sûriyeya Demokratîk (MSD), ragihandibû ku ew tu hilbijartineke ku daxwazên gel eleqedar neke hilbijartinê red dikin û destûr nedin ku sindoq li herêma wan bên danîn.&nbsp;

	&nbsp;

	Amerîka, Îngilistan, Fransa û Îtalya jî ragihandibûn ku hilbijartinê meşrû nabînin.&nbsp;

	&nbsp;