
Rojnamevanan ji bo Aslan bang kir: Cihê wî ne girtîgeh e, derve ye

2021-05-24 14:07:08


	STENBOL - Danişîna ewil a nûçegihanê me yê girtî Mehmet Aslan di 26’ê gulanê de tê lidarxistin. Hevpîşeyên wî diyar kirin ku ew şahidên rojnamevaniya wî ne û cihê wî ne girtîgeh e, derve ye.&nbsp;

	&nbsp;

	Nûçegihanê me Mehmet Aslan ji aliyê Serdozgeriya Komarê ya Antalyayê ve bi îdiaya “endamê rêxistinê ye” û “nûçeyên ku xelkê radikin ser pêya çêkirine” di 9’ê çile de dabû girtin. Aslan li Girtîgeha Antalyayê ya Tîpa L tê ragirtin. Di îdianameyê de çêkirina nûçeyên Aslan kirine mijara sûc û her wiha axaftina wî ya telefonan ku nûçeyên ajansa xwe ji aboneyan re ragihandiye kirine delîl.&nbsp;

	&nbsp;

	Danişîna ewil a doza Aslan wê di 26’ê gulanê de li 24’emîn Dadgeha Cezayê Giran a Stenbolê were lidarxistin. Hevpîşeyên Aslan ên li qadê rojnamevaniyê dikin xwestin ku hevkarê wan li tavilê were berdan.&nbsp;

	&nbsp;

	JI BER NÛÇEYAN TÊ CEZAKIRIN&nbsp;

	&nbsp;

	Nûçegihanê Ozgur Gelecekê Taylan Oztaş destnîşan kir ku Mehmet Aslan ji ber nûçeyên xwe tê cezakirin û bi cezakirinê dixwazin rojnamevaniyê tune dikin. Oztaş diyar kir ku Ajansa Mezopotamya ku Aslan nûçegihaniya wê dike her tim bi zextên dewletê re rûbirû dimîne û çapemeniya azad bêdeng nebû û wê bêdeng nebe.&nbsp;

	&nbsp;

	ŞAHIDIYA ROJNAMEVANIYA WÎ DIKE&nbsp;

	&nbsp;

	Rojnamevan Zeynep Kûray jî anî ziman ku ew şahidiya rojnamevaniya Mehmet Asln e û hevalê wan rojnamevan e, cihê wî ne girtîgeh derve ye û şopandina nûçeyan e.&nbsp;

	&nbsp;

	LI QADÊ NÛÇEYAN BI HEV RE ŞOPANDIN E&nbsp;

	&nbsp;

	Rojnamevan Emre Orman jî da zanîn ku ew û Mehmet Aslan li qadê gelek nûçeyan bi hev re şopandine û divê demildest were berdan. Orman got wê Mehmet Aslan derkeve û dê dîsa nûçeyan bi hev re bişopînin.&nbsp;

	&nbsp;

	DÊ PÊNÛSÊN WAN SERÎ NETEWÎNIN&nbsp;

	&nbsp;

	Nûçegihana Rojnameya Evrenselê Eylem Nazlier jî destnîşan kir ku Mehmet Aslan ji ber çêkirina nûçeyên binpêkirinên mafan hatiye girtin û ew şahidê rojnamevaniya wî ye û wê pênûsên wan serî netewînin û dê li gel zextan jî li pey rastiyan bikevin.&nbsp;

	&nbsp;