
Jina 81 salî kirin qadro 

2021-05-24 12:46:32


	&nbsp;

	AMED – Serdozgeriya Komarê ya Amedê, di doznameya ku derbarê Endama Lijneya Rêveberiya MEBYA-DER’ê Meryem Soylû ya 81 salî amade kir de Soylû bi “Kadroya rêxistinê ya di nav KJA’yê de” sûcdar kir.&nbsp;

	&nbsp;

	Serdozgeriya Komarê ya Amedê, derbarê Meryem Soylû ya 81 salî ku di çarçoveya lêpirsîna li dijî MEBYA-DER’ê de di 27’ê sibatê de hatibû binçavkirin û di 3’ê adarê de hatibû girtin de dozname amade kir. Dozname ji aliyê 5’emîn Dadgeha Cezaya Giran a Amedê ve hat qebûlkirin. Di doznameyê de MEBYA-DER bi têkîlîbûna PKKê hatiye sûcdarkirin û ji ber rêveberbûna wê ya komeleyê Soylû jî bi “endamtiya rêxistinê” hatiye sûcdarkirin. Ji bo delîlan jî lênûska biryarê ya komeleyê, gotinên şahidên nepen û bername û çalakiyên ku komeleyê li dar xistine hatine nişandan.&nbsp;

	&nbsp;

	‘KADROYA DI NAV KJA’YÊ DE’

	&nbsp;

	Di doznameyê de Soylû ya 81 salî weke “qadroya” rêxistinê hatiye nirxandin û bi tevlîbûna merasîma cenazeyên HPG’iyan hatiye sûcdarkirin. Ji bo Soylû ev tişt hatiye gotin: “Derbarê bersûc de; bersûc bi awayekî fermî Endama Lijneya Rêveberiya MEBYA-DER’ê ye. Bersûc ji hemû ewraqên li komeleyê derketine berpirsyar e. Di nav KJA’yê de weke qadro li ser navê rêxistinê xebitiye. Li ser navê rêxistinê merasîma cenazeyan organîze kiriye”

	&nbsp;

	DANIŞÎN SIBÊ YE

	&nbsp;

	Di doznameyê de ji bo Soylû ji 7 sal û 6 mehan heta 15 salan cezayê girtîgehê hatiye xwestin û danişîna dozê ya yekemîn jî sibê ye.

	&nbsp;