
Cenazeyê dayika Arslan hat veşartin

2021-05-10 13:41:36


	&nbsp;

	DÎLOK - Dayika Hevserokê Giştî yê DBP’ê yê berê Mehmet Arslan, Fatma Ayşe Arslan ku li Edeneyê jiyana xwe ji dest da, li navçeya Bêlqis a Dîlokê hat veşartin.&nbsp;

	&nbsp;

	Dayika Hevserokê Giştî yê Partiya Heremên Demokratîk (DBP) yê berê Mehmet Arslan, Fatma Ayşe Arslan ku li Edenê jiyana xwe ji dest da, li navçeya Bêlqis a Dîlokê hat veşartin. Cenazeyê Arslan îro di saetên serê sibê de bi tevlîbûna parlementera HDP’ê Fatma Kûrtûlan, rêveberên HDP’ê yên Edenê û navçeyên wê û gelek kesan ji morga nexweşxaneyê hat wergirtin. Piştî ku li Goristana Asrî ya Edenê wecîbeyên olî pêk anîn, ji bo helalî were girtin cenaze anîn mala wan a li Taxa Mîsîs a girêdayî navçeya Yuregîrê.&nbsp;

	&nbsp;

	Cenazeyê ku dûre anîn navçeya Bêlqisê, li Goristana Asrî hat veşartin. Hevserokên Giştî yên DBP’ê Salîha Aydenîz û Keskîn Bayindir, parlementerên HDP’ê Omer Ocalan, Fatma Kûrtûlan, Ayşe Surucu, Mehmet Ocalan, rêveberên rêxistina HDP’ê ya Dîlokê û navçeyên wê beşdarî merasime cenaze bûn.&nbsp;

	&nbsp;

	&nbsp;