Di Doza Kobanê de, li cihê parêzeran polîs dan rûniştandin

2021-04-26 11:54:11


	 

	ENQERE - Bi hinceta di salona danişîna Doza Kobanê de cih tuneye, parêzer negirtin hûndir, lê li cihê parêzeran polîs dan rûniştkandin. Parêzerên HDP’ê, xwestin ku hemû parêzeran bigirin hûndir. 

	 

	Yekemîn danişîna Doza Kobanê ya derbarê 28 jê girtî 108 kesan de hatibû vekirin, li 22’yemîn Dadgeha Cezayê Giran a Enqerê ya li Kampusa Girtîgeha Sîncanê dest pê kir.   

	 

	Ji bo şopandina danişînê rojnameger, parlamenter, parêzer û şandeyên navneteweyî girtin hûndirê salonê. Xizmên girtiyan ji bo danişînê kirin salonek din. Berî danişînê hem di hûndir de, hem jî li derve de, ewlekariya zêde hatiye girtin. Piştî hejmareke kes a girtina salonê, ketinên salonê hatin rawestandin.

	 

	PARÊZERAN NAGIRIN HÛNDIR

	 

	Bi hinceta ku di salonê de cih tuneye, nêzî 100 parêzerên mafên mirovan negirtin hûndirê salonê. Lê cihên ku diviya bû parêzer lê rûnin, polîsên hêzên taybet dan rûnişkandin. Parêzer jî li derveyê salonê hatin rawestandin. Parêzerên HDP’ê xwestin ku hemû parêzeran bigirin hûndirê salonê. Lê serokê dadgehê ev daxwaza parêzeran red kir.

	 

	Siyasetmedarên girtî yên xwestin beşdarî danişînê bibin, hîna ne anîne salona danişînê.

	 

	Li bendeye ku Hevserokên Giştî yên HDP’ê yên berê Selahattîn Demîrtaş ji Girtîgeha Tîpa F a Edîrneyê û Fegen Yuksekdag ji Girtîgeha Jimara 1 a Kandirayê, Alî Urkut, Cîhan Erdal, Nazmî Gur û Ayhan Bîlgen ji Girtîgeha Jimar 2 a Sîncanê û Emîne Ayna jî ji Girtîgeha Jinan a Sîncanê bi SEGBÎS’ê beşdarî danişînê bibin.

	 

	Di heman  demê de Hevşaredarê Bajarê Mezin ê Mêrdînê Ahmet Turk ê qeyûm tayînî cihê wî hatibû kirin, dê bi SEGBÎS’ê ji 3’yemin Dadgeha Cezayê Giran a Mêrdînê beşdarî danişînê bibe. Endamê Şandeya Îmraliyê Sirri Sureyya Onder jî wê ji 33’yemîn Dadgeha Cezayê Giran a Stenbolê bi SEGBÎS’ê tevlî danişînê bibe.

	 

	SIYASETMEDARÊN GIRTÎ

	
		 
	
		Siyasetmedarên ji ber dozê hatine girtin ev in:
	
		 
	
		Hevserokê Giştî yên berê Selahattîn Demîrtaş û Fîgen Yuksekdag, Hevseroka Giştî ya berê ya DBP’ê Sebahat Tûncel, Hevşaredara berê ya Bajarê Mezin a Amedê Gultan Kişanak, parlementera berê ya HDP’ê Aysel Tûglûk, Hevserokê Giştî ya berê ya DBP’ê Emîne Ayna, Hevşaredarê Qersê yê ku li şûna wî qeyyûm hatibû wezîfedarkirin Ayhan Bîlgen, parlementerên berê Ayla Akat Ata, Beyza Ustun, Îbrahîm Bînîcî, berdevkê berê yê HDP’ê Gunay Kûbîlay, Endamê Desteya Rêveberiya Navendî Alp Altinors, Endamê Komîsyona Têkiliyên Derve ya HDP’ê Nazmî Gur, Endamê HDP’ê yê RTUK’ê Alî Urkut, jimêryarê berê yê HDP’ê Zekî Çelîk, endamên berê yên Desteya Rêveberiya Navendî Can Memîş, Cîhan Erdal, Îsmaîl Şengul, Mesût Bagcik, Bîrcan Yorûlmaz, Dîlek Yagli, Pervîn Odûncû, Berfîn Ozgu Kose, Ayşe Yagci, Zeynep Olbecî, Nezîr Çakan û Meryem Adibellî.
	
		 
	
		ÊN KU RÛNIŞTINÊ DIŞOPÎNIN
	
		 
	
		Ji welatên cuda 11 heyetên biyanî tevlî rûniştinê bûn. Yên ku rûniştinê dişopînin wiha ne:
	
		 
	
		Marta Rosique -Partiya Çep a Komarger a Katalonyayê, Sekreterê Giştî yê Komîsyona Navneteweyî ya Max Zanartu-Barselona, Eulàlia Reguant-Parlamenterê Meclîsa Katalan, Oihana Etxebarrieta Legrand-Bask BILDU, Francois Alfonsi-AP Endamê Koordînasyona Koma Dostaniya Kurdan / Greens/EFA Parlamenter, Ana Miranda-Parlamentera Koma EFA ya Parlamenta Ewropayê, Jean-Christophe Sellin - Hevkoordînatorê Partiya Çep a Fransayê û Endamê Meclîsa Herêmî, Eric Coquerel - Endamê Meclîsa Neteweyî ya Partiya Fransa ya Serînatewîne, Emilie Marche-Endama Meclîsa Neteweyî ya Partiya Fransa Serînatewîne, Brando Benifei-Parlamenterê Koma Demokratan û Sosyalîstan a Parlamenta Ewropayê, Evin İncir-Parlamentera Koma Demokratan a Parlamenta Ewropayê."
	
		 
	
		Nûnerên gelek partiyên siyasî û rêxistinên civakî yên demokratîk û nûnerên sendîkayan jî ji bo şopandina rûniştinê li ber Kampusa Girtîgeha Sîncanê ne.
	
		 
	
		Hin ji nûneran wiha ne: Ji Partiya Gel a Komarê (CHP) Sezgin Tanrikulu, Ali Haydar Hakverdi, Semra Dinçer, Serokê Giştî yê Partiya Karker a Tirkiyeyê (TÎP) Erkan Baş, ji Partiya Kedê (EMEP) - Ercument Akdeniz, KESK- Mehmet Bozgeyik (Hevserok) - Gulistan Atasoy (Sekretera Jinê), TUM BEL-SEN - Yilmaz Yildirim, Serokê Giştî yê Tarim Orkam Senê Ahmet Keleş, Hevseroka Giştî ya SES'ê Selma Atabey û Siddik Akin, Gonul Adibelli, Nûnerê Herêmê yê DÎSK'ê Tayfun Gorgun, ABF-Ali Aktaş, PSAKDER - Ozgur Kaplan, DAD - Reyhan Kumru- Mustafa Karabudak.