
Li Qamişloyê agirbesta demkî hat ragihandin 

2021-04-22 11:54:46


	&nbsp;

	NAVENDA NÛÇEYAN - Piştî ku milîsên Dîfa El Wetenî yên girêdayî rejîma Şamê êrîşî Hêzên Ewlekariya Hûndirîn ên Bakûr û Rojhilatê Sûriyê kirin 3 roj bûn pevçûn berdewam dikirin. Îro ji ber pevçûnan ji bo demekî kurt agirbest hat îlankirin.&nbsp;

	&nbsp;

	Milîsên Dîfa El Wetenî yên girêdayî rejîma Şamê ku ji wan re destûr hatiye dayîn li Qamişloyê bimînin, di 20’ê nîsanê de êrişî xalên kontrolê yên Hêzên Ewlekariya Hûndirîn ên Bakûr û Rojhilatê Sûriyê kiribûn. Pevçûn sê roj in berdewam dikin.&nbsp;

	&nbsp;

	AGIRBEST HAT RAGIHANDIN&nbsp;

	&nbsp;

	Di saetên şevê de li ser navbeynkariya Rûsan, piştî ku di navbera milîsên Dîfa El Wetenî yên girêdayî rejîma Şamê, Hêzên Ewlekariya Hûndirîn ên Bakûr û Rojhilatê Sûriyê û leşkerên Rûs de hevdîtin pêk hat, agirbest hat ragihandin. Ji bo ku agirbesta wê heta saetên nîvro berdewam bike, mayînde bimîne û alîkarî hev bikin, hevdîtin berdewam dikin.

	&nbsp;

	XALÊN KONTROLÊ YÊN LEŞKERÎ HATIN BIDESTXISTIN

	&nbsp;

	Pevçûnên ku duh şev di navbera Hêzên Ewlekariya Hûndirîn û Dîfa El Wetenî zêde bûbûn, aliyan ji bo çend saetan navber dabû pevçûnan. Lê ji ber di saet 22.00’an de careke din milîsan êrîş kir, dîsa pêvçûn derket. Hêzên Ewlekariya Hûndirîn ên li Taxa Tayî pêşveçûn, xalên kontrole ya Lîlo ku li bakurê taxê dimîne bi dest xist. Milîsan cara ewil ji wê noxteyê êrîşî Hêzên Ewlekariya Hûndirîn kiribû.&nbsp;

	&nbsp;

	Hat daxuyandin ku endamekî Hêzên Ewlekariya Hûndirîn jiyana xwe ji dest daye.&nbsp;

	&nbsp;

	&nbsp;