
Malbata Şenyaşar: Werin em bi hev re edaletê bidin jiyîn 

2021-04-10 11:30:43


	RIHA - Malbata Şenyaşar ku li pêş Edliyeya Rihayê nobeta “Edaletê” digire, banga “Werin em bi hev re edaletê bidin jiyîn” kir.&nbsp;

	&nbsp;

	Dayika Emîne Şenyaşar a di encama êrişa parêzvan û xizmên parlementerê AKP’ê yê Rihayê Îbrahîm Halîl Yildiz de hevjînê xwe û du kurên xwe winda kirin, ligel kurê xwe Ferît Şenyaşar ji 9’ê adarê û vir ve, li pêş Edliyeya Rihayê bi daxwaza “Edaletê” di çalakiya nobetê de ne. Nobeta malbata Şenyaşar di roja 33’yemîn de berdewam dike.

	&nbsp;

	Dayik û kurê xwe, mîna her serê sibehê, îro jî di saetên serê sibê de berê xwe dan edliyê û lêgerîna xwe ya edaletê dewam kirin. Dayik Emîne Şenyaşar û kurê Ferît Şenyaşar ên li pêş deriyê bexçeyê edliyeyê rûniştine li ser hesabên xwe yên medya civakî ev peyam parvekirin: “Heta ku edalet li ber sekeratê be, nikare kar bike. Nobeta me &nbsp;ya edaletê di roja 33'emîn de bê navber dewam dike. Werin em bi hevre edaletê bidin jiyîn ku dewlet jî bijî…”

	&nbsp;

	Tê payîn ku di nava rojê de nobeta edaletê ya malbata Şenyaşar were ziyaretkirin.

	&nbsp;