
Doza Mûsa Anter: Rêgeza darizandina di dema maqûl de hat binpêkirin  

2021-04-07 16:49:07


	&nbsp;

	ENQERE - Parêzer Mehmet Selîm Okçûoglû di Doza Sereke ya Mûsa Anter de axivî û bal kişand ser dosyeyê ku bi demborînê re rûbirû bihêlin û rêgeza darizandina adilane ya dema maqûl a PMME’yê hatiye binpêkirin.&nbsp;

	&nbsp;

	Danişîna 30’yemîn a Doza Mûsa Anter a ku kirine yek, doza Ayten Ozturk û Doza Sereke ya JÎTEM’ê li 6’emîn Dadgeha Cezayê Giran a Enqereyê hat lidarxistin. Kurê Mûsa Anter, Dîcle Anter, parlamenterên HDP’ê Alî Kenanoglû û Şevîn Coşkûn, çavdêra şopandina Kiryar Diyar e ya Navenda Hafizayê parêzer Esra Kiliç beşdarî danişînê bûn. parêzerê malbata Anter, Mehmet Selîm Okçûoglû û parêzera Orhan Mîroglû Ayşe Eryilmaz û parêzerên aliyan di danişînê de amade bûn.&nbsp;

	&nbsp;

	Piştî tespîta nasnameyan, ewraqên li dosyeyê hatine zêdekirin hatin xwendin. Hat dîtin ku ji bo îfadeyên Abdulkadîr Aygan ê wek bersûc tê zanîn û tê gotin ku li derveyî welat dijî were girtin nivîsa ku ji Wezareta Dadê re hatibû nivîsandin bêbersiv hatiye hiştin.&nbsp;

	&nbsp;

	METIRSIYA DEMBORÎNÊ&nbsp;

	&nbsp;

	Parêzerê malbata Anter, Mehmet Selîm Okçûoglû di danişînê de axivî û bal kişand ser talûkeya ku dosye bi demborînê re rûbirû bimîne û metirsiyan wan hene ku dosye bi demborînê re hevrû bimîne û dosyeya bûye yek piştî ji dosyeyên din were veqetandin li ser vê xisûsê were bi encamkirin. Okçûoglû anî ziman ku rêgeza darizandina adilane ya dema maqûl a Peymana Mafê Mirovan a Ewropayê (PMME) hatiye binpêkirin û piştî ku ev xisûs hemû li ber çavan werin girtin daxwaz dikin ku biryar were dayîn. Okçûoglû destnîşan kir ku ew dixwazin dosye ji hev werin cihêkirin.&nbsp;

	&nbsp;

	Pişt re parêzerê bersûc Hamît Yildirim, Kaya Yelek jî axivî û xwest daxwaza ku dosye ji hev werin cihêkirin were redkirin û tedbîrên kontrola edlî ya derbarê bersûc Yildirim de were rakirin.&nbsp;

	&nbsp;

	DAXWAZ HAT REDKIRIN

	&nbsp;

	Şandeya dadgehê piştî beyanên parêzeran biryara xwe eşkere kir. Dadgehê xwest ji bo îfadeyên Abdulkadîr Aygan ji bo werin girtin dubare ji Wezareta Dadê re nivîs were nivîsandin û biryara girtinê ya derbarê Abdulkadîr Aygan, Mahmut Yildirim, Muhsîn Gul, Mehmet Zahîr Karadenîz, Fethî Çetîn de yên bersûc berdewam bike. Dadgehê daxwaza cihêkirina dosyeyan red kir û xwest derbarê bersûc Hamît Yildirim de jî şertê kontrola edlî berdewam bike û danişînê taloqî 7’ê tîrmehê kir.&nbsp;

	&nbsp;

	&nbsp;

	&nbsp;