
‘Derbkirina Gergerlîoglû mînaka bêhiqûqiyê ye’

2021-04-03 15:59:07


	&nbsp;

	EDENE - Platforma KHK’ê û ÎHD’ê diyar kirin ku binçavkirina bi derb a Omer Farûk Gergerlîoglû yê HDP’î mînaka “şermê” û bêhiqûqiyê ye.

	&nbsp;

	Şaxa Edenê ya Komeleya Mafê Mirovan (ÎHD) û Plarforma Biryarnameya di Hikmê Qanûnê de (KHK), bi daxuyaniyekê binçavkirina bi derb a Omer Farûk Gergerlîoglû yê HDP’î ku parlementeriya wî hatibû xistin şermezar kirin. Hevserokên HDP’ê yên Edeneyê, Endamên Meclîsa HDP’ê, endam û rêveberên Partiya Sosyalîst a Bindestan (ESP), Partiya Ked’ê (EMEP) û gelek kes beşdarî daxuyaniyê bûn. Polîsan beriya daxuyaniyê Parka Heykelliyê bi bariyeran girt û ketina parke asteng kirin.

	&nbsp;

	JI POLÎSAN HINCETEKE BALKÊŞ&nbsp;

	&nbsp;

	Polîsên ku diyar kirin desturê nadin daxuyaniyê ev tişt gotin: “Omer Farûk Gergerlîoglû sûcdar e. Em destûr nadin ku hûn derbarê sûcdarekê de daxuyaniyê bidin.” Girseyê li gel hemû astengiyên polîsan jî di bin dorpêçê de daxuyanî da.

	&nbsp;

	DÎMENÊN ŞERMÊ&nbsp;

	&nbsp;

	Serokê Şaxa ÎHD’ê yê Edeneyê Yakûp Ataş, diyar kir ku binçavkirina bi derb, heqaret û bi zorê ya Gergerlîoglû dê weke “dîmenên şermê” bimîne nav hişan de û anî ziman ku ew dîmen mînaka bêhiqûqiyê ne. Ataş, da zanîn ku wê nobeta edaletê ya Gergerlîoglû ji bo wan bibe rêber.

	&nbsp;

	Girseyê piştî daxuyaniyê li avahiya ÎHD’ê Nobeta Edaletê da destpêkirin.

	&nbsp;