
Doza malbata Şenyaşar dest pê kir

2021-04-02 12:08:16


	&nbsp;

	MELETÎ - 7’emîn danişîna doza têkildarî&nbsp;êrişa parazvan û xizmên parlamenterê AKP’ê Îbrahîm Halîl Yildiz a li dijî malbata Şenyaşar hatibû vekirin, dest pê kir.

	&nbsp;

	Li navçeya Pirsûsê ya Rihayê, parazvan û xizmên Parlamenterê AKP’ê Îbrahîm Halîl Yildiz di 14’ê Hezîrana 2018’an de, êriş biribûn ser ferdên malbata Şenyaşar. Di êrişê de ji malbata Şenyaşar 3 kes bi giştî 4 kes hatibûn kuştin. 7’emîn danişîna doza derbarê êrişê de hatibû vkirin li 3’yemîn Dadgeha Cezayê Giran a Meletiyê dest pê kir.

	&nbsp;

	Ferîd Şenyaşar ê di çarçoveya dozê de ne girtî tê darizandin û parêzerên malbata Yildiz di salona danişînê de amade bûn. Parêzerên endamên Komeleya Hiqûqnasên Ji Bo Azadiyê (OHD), parêzerên girêdayî Baroyên Riha, Amed û Dîlokê bi endamên malbata Şenyaşar re beşdarî danişînê bûn.&nbsp;

	&nbsp;

	Polîsan berî danişînê Edliya Meletiyê dorpêç kirin û ewlekariyek zêde girtin. Hevserokê Kongreya Civaka Demokratîk (KCD) Berdan Ozturk, Hevserokên Giştî yên Partiya Herêmên Demokratîk (DBP) Salîha Aydenîz û Keskîn Bayindir, Parlamenterên Partiya Demokratîk a Gelan (HDP) Ayşe Surucu, Kemal Bulbul, Dersim Dag û Hasan Ozguneş danişînê li salonê dişopînin.&nbsp;

	&nbsp;

	Bi hinceta pandemiyê destûr nehat dayîn ku rojnameger danişînê bişopînin.&nbsp;

	&nbsp;

	Fadil Şenyaşar ê bav û du birayên xwe di êrişê de winda kirin û bi xwe jî ji êrişê bi birîndarî rizgar bû û dûre hat girtin ji Girtîgeha Sergirtî ya Xerpêtê û Enver Yildiz jî ji Girtîgeha Sergirtî ya Osmanniyê bi SEGBÎS’ê beşdarî danişînê bûn.&nbsp;

	&nbsp;

	Piştî danasîna nasnmeyê, dest bi danişînê hat kirin. Fadil Şenyaşar derbarê mutalaya dozger de dest bi parastina xwe kir û danişîn bi parastinan dewam dike.

	&nbsp;