
Platforma Demokrasî ya Wanê: Divê rojnameger tavilê bên berdan

2021-04-01 14:48:12


	WAN - Platforma Demokrasî ya Wanê, ji bo 4 rojnamgerên piştî avêtina du welatiyan a ji helîkopterê hatibûn girtin, banga berbest berdanê kir.&nbsp;

	Yekemîn danişîna nûçegihanên Mezopotamya (MA) Adnan Bîlen, Cemîr Ûgûr, nûçegihana Jinnewsê Şehrîban Abî û rojnameger Nazan Sala yên ku piştî agahiya 2 welatiyên di 9’ê Cotmeha 2020’an de li Wanê ji helîkopterê hatibûn avêtin kirin nûçe hatin girtin û nûçegihana MA’yê ya ne girtî tê darizandina Zeynep Dûrgût dê sibe bê dîtin. Platforma Demokrasî ya Wanê, berî danişînî derbarê rewşa girtina rojnamegeran de daxuyanî da çapemeniyê.&nbsp;

	&nbsp;

	ROJNAMEGER HATIN HEDEF GIRTIN

	&nbsp;

	Daxuyannî li avahiya Baroya Wanê hat lidarxistin. Nûnerên gelek sazî, komele, STO û malbatên rojnamegeran beşdarî daxuyaniyê bûn. Serokê Baroya Wanê Zulkuf Ûçar di daxuyaniyê de axivî û wiha got: “Li navçeya Şaxê, piştî ku Osman Şîban û Servet Tûrgût li aliyê eskeran ve hatin binçavkirin, rastî îşkece û lînçeke mezin hatin. Rojnamegeran jî, di çarçoveya qeydên nexweşxaneyê de, îşkenceya li Şîban û Tûrgût hatibû kirin, kirin nûçe û xistin rojeva Tirkiyeyê. Ji ber vê yekê rojnameger hatin hedef girtin.”&nbsp;

	&nbsp;

	WÊ ROJNAMEGERTÎ BÊ DARIZANDIN

	&nbsp;

	Ûçar, diyar kir ku yek ji rêbazên bingehîn ê rojnamegertiyê, bi awayekê rast gel agahdarkirine û wiha bilêv kir: “Rojnameger neçarin ku rastiyê danin holê. Piştî girtina demek dirêj, wê rojnameger sibe derkevin pêşberî dadgehê. Di rastiyê de, ya ku sibe bê darizandin, mafê gel agahî girtinê û rojnamegertiye. Li Tirkiyeyê zextên li dijî rojnamegeran ne nû ye. Ji paşerojê heya roja îro ev zext zêde bûn.”

	&nbsp;

	ROJNAMEGERTÎ NE SÛCE

	&nbsp;

	Ûçar, bi bîr xist ku rojnamegertî ne sûçe û ev bang kir.Divê pêkanînên keyfi yên li dijî pêwîstiyên civakê ji holê bên rakirin. Sibe wê yekemîn danişîna kedkarên çapemeniyê rojnameger Adnan Bîlen, Cemîl Ûgûr, Şehrîban Abî û Nazan Sala bê dîtin. Em bang dikin ku Bîlen, Ûgûr, Abî û Sala bên berdan. Rojnamegerî ne sûce! Divê kedkarên çapemeniyê tavilê bên berdan.”

	&nbsp;