
Gel li dijî biryara Iraqê li Çiyayê Şengalê dest bi nobetê kir

2021-04-01 13:48:56


	NAVENDA NÛÇEYAN - Xelkê Şengalê, bi armanca ku destkeftiyên xwe biparêzin li Çiyayê Şengalê dest bi nobetê kir.

	&nbsp;

	Hikûmeta Iraqê demek beriya niha gef li Rêveberiya Xweser a Şengalê xwaribû û xwestibû heta 1’ê Nîsanê Hêzên Parastina Êzidxanê ji herêmê derkevin. Gel jî li dijî vê li Çiyayê Şengalê dest bi nobetê kir.&nbsp;

	Dema ku rêveberiya Bexdayê dabû Hêzên Parastinê îro diqede. Gelê Şengalê, ji bo destkeftiyên xwe biparêze û bertekê nîşanî biryara Hikumeta Iraqê bide li Herema Çilmêra ya li Çiyayê Şengalê di çalakiya nobetê de hatin gelhev. Gelek kes beşdarî çalakiya nobetê bûn. Hat diyar kirin ku wê tevlîbûna çalakiyê bidome.

	&nbsp;

	MXDŞ’YÊ HIŞYAR KIRIBÛ

	&nbsp;

	Li ser biryara hatibû girtin Meclîsa Xweseriya Demokratîk a Şengalê (MXDŞ) bi hemû sazî û dezgehên herêmê, oldar û ruspiyan re civiyabû û biryara berxwedanê dabû. MXDŞ’ê diyar kiribû ku ji bo pirsgirêk bi diyalogê were çareser kirin di nava hewldanê de ne û li dijî nasnekirina vîna wan banga xwedî derketina destkeftiyan kiribû.&nbsp;

	&nbsp;

	Hat dest nîşan kirin ku li heremê heta niha rewşeke awarte tune ye û bêdengiyek heye.

	&nbsp;