
Kadrî Yildirim li Amedê hat definkirin 

2021-03-27 15:29:26


	AMED - Parlamenterê berê yê HDP’ê yê Sêrtê Prof. Dr. Kadrî Yildirim ê xwîn werivî ser mejiyê wî û jiyana xwe ji dest da bû, ji aliyê bi sedan kes ve hat definkirin.&nbsp;

	&nbsp;

	Parlamenterê berê yê Partiya Demokratîk a Gelan (HDP) ê Sêrtê Prof. Dr. Kadrî Yildirim ê berî 4 rojan li Amedê xwîn werivî ser mejiyê wî û jiyana xwe ji dest da bû, li Goristana Yenîkoy a Navçeya Rezanê bi merasîmekê hat definkirin. Malbata Yildirim, Hevserokê Kongreya Civaka Demokratîk (KCD) Berdan Ozturk, Hevserokên Giştî yên Partiya Herêmên Demokratîk (DBP) Salîha Aydenîz û Keskîn Bayindir, parlamenterên HDP’ê, parlamenterê Partiya Gel a Komarê (CHP) yê Stenbolê Sezgîn Tanrikûlû, nivîskar û ziman zan jî di nav de bi sedan kes beşdarî merasîmê bûn.&nbsp;

	&nbsp;

	POLÎSAN XWEST DEST DANÎN SER ALÊ

	&nbsp;

	Girseyê piştî nimêja cenaze ya li mizgefta goristanê, cenazeyê Yildirim danîn ser milê xwe û heya wesayîta cenaze birin. Tabûta cenazeyê Yildirim bi ala Kurdistanê hat pêçandin. Polîsan berî kar û barê definkirinê, xwestin dest danin ser alê. Hezkiriyên Yildirim bertekek tund nîşanî vê helwesta polîsan dan û destûr nedan ku polîs dest danin ser alê.&nbsp;

	&nbsp;

	CENAZE SPARTÎ AXÊ KIRIN,

	&nbsp;

	Cenazeyê Yildirim, bi duayan hat definkirin. Siyasetmedar, nivîskar, ziman zan û welatiyan, piştî definkirina cenazeyê Yildirim, ji malbata Yildirim re sersaxî xwestin û dûre ji Goristana Yenîkoyê veqetiyan.&nbsp;

	&nbsp;