
Bûldan: Kesek nikare partiya bi milyonan bigire

2021-03-26 14:44:54


	STENBOL - Hevseroka Giştî ya HDP’ê Pervîn Bûldan a Komeleya Malacemê ya Maltepê ziyaret kir, da zanîn ku ne pêkane ku partiya bi milyonan kes bê girtin.

	&nbsp;

	Hevseroka Giştî ya Partiya Demokratîk a Gelan (HDP) Pervîn Bûldan, bi armanca piştevaniyê Komeleya Malacemê ya Maltepê ziyaret kir. Parlamenterên HDP’ê Fatma Kûrtûlan, Alî Kenanoglû û Zeynel Ozen, Endamê MYK’a Komîsyona Baweriyan Tûrgût Oker, Endamê Meclîsa Partiyê Nesîmî Aday û Hevserokê Stenbolê Erdal Avci bi Bûldan re tevgeriyan.&nbsp;

	&nbsp;

	MIL BI MIL TÊKOŞÎN

	&nbsp;

	Serokê komeleya Malacemê ya Maltepê Erdînç Yilmaz Bûldan û şandeya pê re pêşwazî kir. Bûldan li vê derê daxuyaniyek kurt da û bal kişand ser vekirina doza girtina partiya xwe. Bûldan, diyar kir ku bi milyonan kes dil dane partiya wan û got: “Ji ber vê yekê ne pêkane ku partiyek wiha bê girtin. Partiya me her tim mil daye milê gel û têkoşiya ye. Ji ber vê em girîngiyek mezin didin vê serdana xwe.”

	&nbsp;

	Bûldan, dest nîşan kir ku divê hemû pêkhateyên kêmnetew ên li welat dijîn, têkoşînek hevpar bi rêve bibin û ev peyam da: “Tiştên ku Elewî dikin û tiştên ku Kurd dijîn, hemanin. Tu ferq tuneye. Ji bo demokratîkbûyîna Tirkiyeyê, bi hev re mil bi mil têkoşîn dayîn, şerte.”&nbsp;

	&nbsp;

	‘EM BI HDP’Ê RE NE’

	&nbsp;

	Serokê Komeleya Malacemê ya Maltepê Erdînç Yilmaz jî, ji bo serdanê spasiyên xwe pêşkêşî şandeya HDP’ê kir û bal kişand ser têkoşîna HDP’ê. Yilmaz, têkoşîna hevpar bi bîr xist û got, ew bi HDP’ê re ne.

	&nbsp;

	Piştî axaftinan hevdîtinê li çapemeniyê girtî dewam kir.

	&nbsp;

	Bûldan û şandeya pê re piştî hevdîtinê, wê Komeleya Koçgirî ya li Umraniyê ziyaret bikin.

	&nbsp;