
Doza rojnamevan Şahîn hat taloqkirin   

2021-03-24 12:54:02


	&nbsp;

	AMED - Di danişîna rojnamevan Hatîce Şahîn de biryar hat dayîn ku şahidên nepen Ezel û Firar ên îfade dane dosyeya wan were lêkolînkirin.&nbsp;

	&nbsp;

	Danişîna doza nûçegihana rojnameya Yenî Yaşamê Hatîce Şahîn a di çarçoveya lêpirsîna li ser Kongreya Civaka Demokratîk (KCD) di 18’ê cotmeha 2018’an de hatibû binçavkirin û pişt re serbest hatibû berdan li 9’emîn Dadgeha Cezayê Giran a Amedê hat lidarxistin. Şahîn bi îdiaya&nbsp;“endama rêxistinê ye” tê darizandin. Şahîn beşdarî danişînê nebû û parêzerê wê Resûl Tamûr amade bû.

	&nbsp;

	Di danişînê de Lorîn Baran wek şahid hat guhdarkirin. Baran anî ziman kul i buroya Yenî Yaşamê ya Amedê wek sekreter dixebite û Hatîce Şahîn jî xebatkara rojnameyê ye û ew nebûye şahidê xebatek dijqanûnî.&nbsp;

	&nbsp;

	Dozger ji bo kêmasiyên dosyeyê temam bibin xwest dosye were rawestandin û derbarê Şahîn de jî biryara şertê kontrola edlî berdewam bike da.

	&nbsp;

	Parêzer Resûl Tamûr jî destnîşan kir ku ew îfadeyên şahidên nepen Ezel û Firar derbarê miwekîla wî de dane qebûl nake û piştî biryara dozê were amadekirin wê parastina berfireh bike.&nbsp;

	&nbsp;

	Şandeya dadgehê piştî navberê biryar da ku dosyeya Ezel û Firar were lêkolînkirin û derbarê Şahîn de jî qedexeya derketina derveyî welat bidome. Dadgehê danişîn taloqî 28’ê hezîranê kir.&nbsp;

	&nbsp;