
Bi deh hezaran kes beşdarî Newroza  Nisêbîn û Qoserê bûn

2021-03-21 14:33:20


	MÊRDÎN - Bi deh hezaran kes beşdarî Newroza Nisêbîn û Qoserê bûn û bi coşek mezin Newroz pîroz kirin.&nbsp;

	&nbsp;

	Îro gelê Kurd li 22 navendan Newroz bi coşek mezin pîroz kir. Li Navçeyên Nisêbîn û Qoserê yên Mêrdînê jî girseyek mezin li qadên Newrozê kom bûn û bi coşek mezin Newroz pîroz kir.&nbsp;

	&nbsp;

	Li Navçeya Nisêbînê ya Mêrdînê bi deh hezaran kes li Qada Newrozê kom bûn û bi coşek mezin Newroz pîroz kirin. Li qada Newrozê zêdebûna polîsan zêde bal kişand ser xwe. Gelê Nisêbinê di saetên serê sibê de derbasî Qada Newrozê bûn. Gel cil û bergên xwe yên rengîn li xwe kirin û meşiyan qada Newrozê. Jinan cilên xwe yen rengin li xwe kirin û Qada Newrozê bi cilên xwe neqişandin. Gel tevî astengiya polisan jî di nokteyên lêgerînê re derbas bûn û ketin qadê. Yekîneyên girêdayî Komîteya Amadekar a Newrozê li dijî vîrûsa (Covid-19) rûpoş û dezenfektan belav kir. Welatiyên li ber deriyê ketina qadê kom bûn, nîşaneyên serkeftinê bilind kirin û bi dirûşmeyan ketin qada Newrozê. Girsê li qada Newrozê pankartên "Newroz pîroz be" û "Em bi rihê Newrozê li ber xwe bidin bi ser bikevin vekirin. Li Nisêbînê Agirê Nerozê bi coşek mezin hat pêxistin. Dayikên Aştiyê yên li Qada Newrozê rastî eleqeyek mezin hatin.&nbsp;

	&nbsp;

	QOSER&nbsp;

	&nbsp;

	Li Navçeya Qoserê jî girse li Qada Otogara Qoserê kom bûn û Newroz pîroz kirin. Jin bi cil û bergên xwe yên neteweyî tev li Newrozê bûn. Gel di 2 nokteyên lêgerînê re derbasî qada Newrozê bûn. Hêj bernameya Newrozê dest pe nekiribû gel Qada Newrozê tijî kir û dest bi pîrozbahiya Newrozê kirin. Li Qadê girse govendê digerîne û dirûşmeyan berz dikin.&nbsp;

	&nbsp;