
Xelkê li Meydana Gundogdû bertek nîşan tecrîdê da  

2021-03-20 17:11:32


	ÎZMÎR - Li Meydana Gundogdû ya Îzmîrê li gel barîna baranê jî xelkê bi coş Newrozê pîroz kir û hêrsa xwe li dijî tecrîdkirina Ocalan û hewldana girtina HDP’ê nîşan da.&nbsp;

	&nbsp;

	Li Meydana Gundogdû ya Îzmîrê bi hezaran tevî barîna baranê jî di pîrozbahiya Newrozê de li hev civiyan û Newroza xwe pîroz kirin. Bi hezaran kes bi reng û xemla xwe beşdar bû û her wiha nûnerên partiyên siyasî, rêxistinên civakî yên sivîl û komeleyan tevli pîrozbahiyê bûn. Li qadê bênavber dirûşmên “Bijî HDP” û “Bijî Serok Apo”, “Bijî berxwedana zindanan” û  “Bêserok jiyan nabe” hatin berzkirin.&nbsp;

	&nbsp;

	Li qadê tecrîdkirina Rêberê PKK’ê Abdullah Ocalan, hewldana girtina HDP’ê, betalkirina parlamenteriya Omer Farûk Gergerlîoglû yê HDP’yî, betlakirina Peymana Stenbolê hat şermezarkirin û hêrsa li dijî tecrîd û hewldana girtina HDP’ê bilind bû.&nbsp;

	&nbsp;

	Rêz hat girtin û pişt re ji aliyê Sarûhan Olûç û Serpîl Kemalbay ên HDP’yî û xelkê ve agirê Newrozê hat pêxistin.&nbsp;

	Hevseroka HDP’a Îzmîrê Besriye Tekgur bertek nîşanî vekişîna ji Peymana Stenbolê da û destnîşan kir ku li dijî zilma Dehaqan berxwedana Kawayan heye.&nbsp;

	&nbsp;

	Hevserokê HDP’a Îzmîrê Kadrî Baydûr jî anî ziman ku ew ê teqez bi ser bikevin kes nikare vîna gel bişkîne.&nbsp;

	&nbsp;

	Hevberdevkê HDK’ê yê Îzmîrê Sabrî Gul jî axivî û got ew ê êrişên li ser dijî wan pûç bikin.

	GIRTIYAN SILAV KIR&nbsp;

	&nbsp;

	Ji Înîsiyatîfa Dayikên Aştiyê Nufusa Ataç jî axivî û newrozê li gel pîroz kir û daxwaza wan azadî û aştî ye û got ew girtiyan silav dikin.&nbsp;

	&nbsp;

	‘DERBE YÊN WE BIN, ÇIYA JÎ YÊN ME NE’&nbsp;

	&nbsp;

	Endama Platforma Jin Bi Hev Re Bi Hêz in Ebrû Dînçel jî axivî û bertek nîşanî vekişîna ji Peymana Stenbolê da û got: “Derbe yên we ne û çiya yên me ne.”&nbsp;

	&nbsp;

	‘VAYE PARTÎ’&nbsp;

	&nbsp;

	Hevserokê Giştî yê SYKP’ê Cavît Ûgûr jî bertek nîşanî hewldana girtina HDP’ê da û got: “Vaye partî li vir e.”&nbsp;

	&nbsp;

	‘WÊ DÎKTATORÎ NEMÎNE’&nbsp;

	&nbsp;

	Endama Rêveberiya KESK’ê Elîf Çuhadir jî anî ziman ku dibe avahî werin girtin lê wê dîktatorî nikaribe li pêşiya têkoşîna gel bisekine.&nbsp;

	&nbsp;

	KEMALBAY: KES NIKARE GELAN TÊK BIBE&nbsp;

	&nbsp;

	Parlamentera HDP’ê ya Îzmîrê Serpîl Kemalbay jî bi kurdî û tirkî gel silav kir û Newroza xelkê pîroz kir û got kes nikare gelan têk bibe û kes nikare partiya gel HDP’ê bigire. Kemalbay diyar kir ku ew neçarin bibin deng û piştevanên çalakiya greva birçîbûnê û ew Newroza girtiyan pîroz dikin.&nbsp;

	&nbsp;

	OLÛÇ: EW DEHAQ BIN EM JÎ KAWA NE&nbsp;

	&nbsp;

	Cîgirê Serokê Koma HDP’ê Sarûhan Olûç jî destnîşan kir ku îro li gelek deverên Kurdistan û Tirkiyê daxwaz û hêrsa wan bilind dibe û got: “Heke ew Dehaq bin, em jî Kawa ne. Ev dijminê gelê kurd in. Li dijî her cûre êriş û pilanên wan em dizanin li ber xe bidin. Dibe hûn partiyê bigirin, lê hûnê 15 milyon însan çawa bigirin.”&nbsp;

	&nbsp;

	Piştî axaftinan hunermend Arhat û Ayfer Duzdaş derketin ser dikê û hunera xwe pêşkêş kirin û pişt re pîrozbahî bi dawî bû.&nbsp;

	&nbsp;