
Hevdîtina parêzeran a bi Turkdogan re hat qedexekirin  

2021-03-19 12:05:00


	&nbsp;

	ENQERE - Hevserokê Giştî yê ÎHD’ê Ozturk Turkdogan jî di nav de 11 kes vê sibehê hatin binçavkirin. Dadgehê derbarê dosyaya 11 kesan de biryara nepen û qedexeya parêzeran da.

	&nbsp;

	Li Enqereyê di serdegirtinên malan ên vê sibehê de Hevserokê Giştî yê Komeleya Mafê Mirovan (ÎHD) Ozturk Turkdogan, Berdevka Meclîsa Jinan a Partiya Demokratîk a Gelan (HDP) a Enqereyê Zeyno Bayramoglû, Endamê Meclîsa Partiyê Alî Ozkan, Hevseroka Rêxistina HDP'ê ya Bajêr a Eskîşehîrê Şukriye Ercan û Hevserokê Rêxistina HDP'ê ya Navçeya Mamakê Mûstafa Ûgûr Akkaya jî di nav de 11 kes hatin binçavkirin.

	&nbsp;

	3’yemîn Dadgeha Cezayê ya Sulhê ya Enqereyê derbarê dosyeya lêpirsînê ya 11 kesan de biryara nepeniyê da û ji bo 24 saetan jî qedexeya hevdîtinê ya parêzeran anî.

	&nbsp;

	&nbsp;