Derbarê Ozturk de lêpirsîn hat destpêkirin

2021-03-14 17:43:32


	ENQERE - Serdozgeriya Komarê ya Enqereyê derbarê Parlamenterê HDP'ê yê Agiriyê û Hevserokê KCD'ê Berdan Ozturk de lêpirsîn da destpêkirin. 

	Serdozgeriya Komarê ya Enqereyê derbarê Parlamenterê Partiya Demokratîk a Gelan (HDP) ê Agiriyê û Hevserokê Kongreya Civaka Demokratîk (KCD) Berdan Ozturk de bi îdiaya "propaganda rêxistinê kiriye" lêpirsîn da destpêkirin. Serdozgeriya Komarê daxuyanî da û diyar kir ku ji ber pûlê Nexşeya Kurdistanê û wêneyê Papa Francis derbarê Ozturk de ji ber gotinên wî "propaganda rêxistinê kiriye" lêpirsîn hatiye destpêkirin. 

	 

	Berdan Ozturk têkildarî pûlê nexşeya Kurdistanê de wiha gotibû: "Pûlê bîranîna ji bo serdana Papa hatiye amadekirin û nexşeya Kurdistanê li serê ye, remza erdnîgariya Kurdistan û Mezopotamyayê ye."