
Dozgeriyê demê binçavkirina HDP’iyan dirêj kir 

2021-03-05 16:25:43


	&nbsp;

	MÊRSÎN - Di 2’yê Adarê de li Mêrsînê endam û rêveberên HDP’ê jî di nav de 8 kes hatibûn binçavkirin. Dozgeriyê dema binçavkirina 8 kesan dirêj kir.

	&nbsp;

	Di çarçoveya lêpirsîneke ku Serdozgeriya Komarê ya Mêrsînê bi rê ve dibe de polîsan di 2’yê Adarê de di saetên şevê de bi ser hin malan de girtibûn û Hevserokên HDP’ê yên Bajêr Zelal Onen û Mûstafa Işik, Hevserokên HDP’ê yên navçeya Toroslarê Munîre Guzel û Cabbar Karabey, endamên partiyê Zozan Îlgen, Rafiye Erkûl, Serokê Komeleya Karkerên Bêtemînat (GÎŞ-DER) Abdulselam Kûtlû û aktivîsta TJA’yê Berîtan Onen jî di nav de 8 kes binçav kiribûn. Dozgeriyê dema binçavkirina 8 kesan dirêj kir.&nbsp;

	&nbsp;

	Dozgeriyê, bi hinceta îfade dayîna kesên di bin çavan de neqediyeye li Dadgeha Ceza ya Sulh a Mêrsînê xwest ku dema binçavkirina 8 kesan bê dirêjkirin. 8 kes anîn Edliyeya Mêrsînê û piştî biryara dema dirêjkirina binçavkirinê 8 kesan careke din birin Miduriyeta Polîsan a Mêrsînê. Derbarê sedema binçavkirinan de tu agahî nehatin bidestxistin.&nbsp;

	&nbsp;

	&nbsp;