
Danişîna Tuncel û Kişanak dest pê kir

2021-02-26 11:01:14


	MELETÎ - Danişîna doza derbarê Hevseroka Giştî ya DBP’ê ya berê Sebahat Tuncel û Hevşaredara Amedê ya berê Gultan Kişanak de hatiye vekirin li Dadgeha Meletiyê dest pê kir.&nbsp;

	Hevseroka Giştî ya DBP’ê ya berê Sebahat Tuncel û Hevşaredara Amedê ya berê Gultan Kişanak bi îdiaya “endamên rêxistinê ne” û “propaganda rêxistinê kirine” doz li wan hatiye vekirin. Danişîna 10’emîn a dozê li Dadgeha Cezayê Giran a 5’emîn a Meletiyê dest pê kir. Kişanak bi rêya dîmen û deng (SEGBÎS) ji Girtîgeha Kandirayê ya Jinan beşdarî danişînê bû. Parêzerên wê Serokê Baroya Amedê Cîhan Aydin, Mehmet Emîn Aktar û Mesût Beştaş jî bi rêya SEGBÎS’ê ji Edliya Amedê tevlî danişînê bûn.&nbsp;

	&nbsp;

	&nbsp;Tuncel ji ber sewqa wê ya nexweşxaneyê hatiye kirin bi hêceta di karantînayê de ye beşdarî danişînê nebû. Beriya danişînê polîsan li derdora edliyê tevdîrên zêde girtin.&nbsp;

	&nbsp;

	Danişînê bi parastina parêzerên Tuncel û Kişanak dest pê kir û didome.&nbsp;

	&nbsp;

	ÎSTÎNAFÊ CEZA XERA KIRIBÛ&nbsp;

	&nbsp;

	Dadgeha Meletiyê bi îdiaya “endamtî û propaganda rêxistinê” 15 sal cezayê zîndanê li Tuncel birîbû û bi heman îdiayê jî 14 sal û 3 meh ceza li Kişanak birîbû. Parêzerên herdû siyasetmedaran jî dozê veguhezandin Dadgeha Îstînafê ya Dîlokê. Dadgeha Îsînafê biryara Dadgeha Meletiyê ku li siyasetmedaran sepandibû xera kir û xwestibû doz ji nûve li Meletiyê were dîtin.&nbsp;

	&nbsp;

	&nbsp;