
Giliya li dijî revandina mirovan: Em ê bêdeng nebin 

2021-02-19 15:51:38


	&nbsp;

	ENQERE – Parêzer Sevînç Hocaogûllari, di daxuyaniya ji bo dayîna daxwaznameya gilîkirinê ya Dozgeriya Komarê ya Enqereyê de diyar kir ku bertekên demokratîj nikarin bên tepisandin û wê bêdeng nebin.&nbsp;

	&nbsp;

	Parastavanên mafên mirovan û nûnerên rêxistinên hiqûqî, têkildarî revandina 3 xwendekarên zanîngehê li ber Edliyeya Enqereyê daxuyanî dan çapemeniyê. Parlamenterê HDP’ê yê Êlihê Mehmet Ruştu Tiryakî û Parlamenterê CHP’ê yê Enqerê Yildirim Kaya jî tevlî daxuyaniyê bûn. Li ser navê rêxistinên hiqûqê parêzer Sevînç Hocaogûllari daxuyanî da û diyar kir ku îşkence li xwnedekaran hatiye kirin û wiha got: “Li gorî daneyên ÎHD’ê di sala 2018’an de 160 kes û di sala 2019’an de 250 kes hatine revandin. Li gorî tespîtên me ev hejmara di sala 2020’an de zêdetir bûne. Di nav mehekê de jî 9 kes hatine revandin.”

	&nbsp;

	‘DEWLET SÛCÊN KOMÎ DIKE’

	&nbsp;

	Parêzer Sevînç, destnîşan kir ku li Tirkiyeyê di bin çavan de revandin û înfazên bê darizandin gelek pêk hatine û ev tişt gotin: “Em hiqûqnas van dosyayan dişopînin û daxwaza xwe ya edaletê timik dubare dikin. Di vê mijarê de gelek sûc hene. Ev sûc ji aliyê dewletê ve bi awayekî komî pêk tên.”

	&nbsp;

	GILÎKIRIN

	&nbsp;

	Di dawiya axaftina xwe Sevînç, da zanîn ku dê serî li dozgeriyê bidin û giliya kesên ku xwedekaran revandine bikin û daxwaz kir ku kesên xwendekaran revandin bên dîtin û demildest bên cezakirin.&nbsp;

	&nbsp;

	DAXWAZA RAWESTANDINA REVANDINA KIRIN

	&nbsp;

	Parlamenterê HDP’ê yê Êlihê Mehmet Ruştu Tiryakî û Parlamenterê CHP’ê yê Enqerê Yildirim Kaya jî piştî parêzer Sevînç axivîn. Tîryakî û Kaya bertek nîşanî revandina xwendkaran dan û xwestin ku pêkanînên revandina mirovan bên rawestandin û berpirsyar bên dîtin û cezakirin.&nbsp;

	&nbsp;

	Piştî daxuyaniyê daxwaznameyên giliyê pêşkêşî dozgeriyê hatin kirin.&nbsp;

	&nbsp;