
Ji ber daxuyaniyan derbarê wî de îdianame hat amadekirin 

2021-01-21 09:17:22


	BEDLÎS - Derbarê Hevserokê HDP'ê yê Bedlîsê Rûmet Dûrsûn de doz hat vekirin. Dûrsûn, ji ber ku di daxuyaniya derbarê girtina Hevseroka KCD'ê Leyla Guven de axivîbû, bi îdiaya "pesinandina sûc û sûcdar" doz lê hatiye vekirin û tê xwestin 2 sal ceza lê bê birîn.&nbsp;

	Li Hevseroka Kongreya Civaka Demokratîk (KCD) Leyla Guvenê 22 sal û 3 meh ceza hatibû birîn û hatibû girtin. Rêxistina HDP'ê ya Tetwanê jî di 23'yê Kanûna 2020'an de daxuyaniyek dabû û cezakirin û girtina Guvenê şermezar kiribû. Hevserokê HDP'ê yê Bedlîsê Rûmet Dûrsûn jî ji ber ku di daxuyaniyê de axivî, derbarê wî de lêpirssîn hatibû destpêkirin.&nbsp;

	&nbsp;

	Serdozgeriya Komarê ya Tetwanê di nav mehekê de derbarê Dûrsûn de bi îdiaya "pesinandina sûc û sûcdar" îdianame amade kir. Dadgeha Ceza ya Asliye ya Tetwanê jî îdianame qebûl kir. Di îdianameyê tê xwestin ku 2 sal ceza li Dûrsûn bê birîn.

	&nbsp;

	Ji ber ku Dûrsûn di axaftina xwe de gotiye Leyla Guven "pêşenga berxwedanê ye û vîn e" derbarê wî de îdianame hatiye amadekirin.&nbsp;

	&nbsp;

	Danişîna dozê di pêş de dê bê lidarxistin.&nbsp;