
Osman Şiban ê ji helîkopterê hatibû avêtin hat binçavkirin

2021-01-12 09:24:51


	MÊRSÎN – Osman Şiban ê ji helîkoptêr hatibû avêtin, di serdegirtina mala xwe ya li Mêrsînê de hat binçavkirin.&nbsp;

	&nbsp;

	Osman Şiban ê di 11'ê îlona 2020'an de li çoltera di navbera navçeya Şaxê ya Wanê û navçeya Elkê ya Şirnexê de li gel Servet Tûrgût ji aliyê leşkerên derketibûn operasyonê ve hatibû binçavkirin û ji helîkoptêrê hatibûn avêtin. &nbsp;Şiban di serdegirtina mala xwe ya li Mêrsînê de hat binçavkirin.&nbsp;

	&nbsp;

	Di çarçoveya lêpirsîna ji aliyê Serdozgeriya Komarê ya Wanê de tê birêvebirin polîsan vê sibehê bi ser mala Şiban a li taxa Guneş a girêdayî navçeya Akdenîza Mêrsînê de girtin. Piştî serdegirtinê Şiban hat binçavkirin û ew bi ambulansê ji bo kontrola tenduristiyê birin Nexweşxaneya Dewletê ya Toroslarê.&nbsp;

	&nbsp;

	Hat zanîn ku ji bo kontrola tenduristiya Şiban were kirin li benda kombûna şandeya tenduristiyê ne. Osman Şiban li malê dihat tedawîkirin.&nbsp;

	&nbsp;

	Hat ragihandin ku dê piştî kontrola tenduristiyê ya li Mêrsînê Şiban bibin Wanê.

	&nbsp;

	Osman Şiban û Servet Tûrgût di 11’ê îloana 2020’an de ji helîkopterê hatibûn avêtin û bi îşkenceyê re rûbirû mabûn. Servet Tûrgût ê li nexweşxaneya Wanê dihat dermankirin jiyana xwe ji dest dabû. Şiban jî ji bo tedawiyê biribûn mala wî ya li Mêrsînê.&nbsp;

	&nbsp;

	&nbsp;