
Li ber HDP’ê kom bûn û çêrî esnaf kirin  

2021-01-08 15:42:45


	&nbsp;

	COLEMÊRG – Komek ku bi îdiaya zarokên wan revandine serê çiya li ber avahiya HDP’a Colemêrgê kom bûn û heqaret û çêr li esnafek ku xwest ber dikana wî negirin kirin.&nbsp;

	&nbsp;

	Li Colemêrgê komek ji cerdevan û kesên nêzî AKP’ê tên nasîn bi îdiaya zarokên wan revandine ser çiya li ber avahiya Rêxistina HDP’ê ya Bajêr a Colemêrgê kom bûn û daxuyanî dan. Polîsan bi maşîneyên zirxî hevkariya komê kirin. Vê komê piştî daxuyaniyê çalakiya rûniştinê li dar xist. Esnafek ji komê xwest ku ber dikana wî negirin. Li ser vê yekê hin kesên ji komê hewl dan êrişî esnaf bikin û heqaret û çêr lê kirin.&nbsp;

	&nbsp;

	Di vê kêliyê de Parlamenterê HDP’ê yê Colemêrgê Saît Dede yê li avahiya partiya xwe bang li malbatan kir ku biçin hundir û got: “Ji bo çareserkirina vê pirsgirêkê çi ji destê me were em ê bikin.” Komê daxwaza Dede qebûl nekir û pişt re ji ber avahiyê çûn.&nbsp;

	&nbsp;