
Parêzer û malbat ji bo biçin Îmraliyê serî li dozgeriyê dan

2020-12-31 12:20:34


	STENBOL – Parêzer û malbata Rêberê PKK’ê Abdullah Ocalan ji bo hevdîtinê pêk bînin serî li Serdozgeriya Komarê ya Bûrsayê dan.&nbsp;

	&nbsp;

	Rêberê PKK’ê Abdullah Ocalan 21 sal in li Girtîgeha Îmraliyê ya Ewlehiya Bilind a Tîpa F tê ragirtin. Ji 27’ê Nîsana 20201’an ve agahî ji Ocalan û her sê girtiyên li cem wî nayê girtin. Parêzerên Ocalan serlêdana dawî ya sala 2020’an kirin. Ji parêzerên Rêberê PKK’ê Abdullah Ocalan, Raziye Ozturk, Rêzan Sarica, Îbrahîm Bîlmez û Serbay Koklu bi boneya sibê bi miwekîlên xwe re hevdîtinê bikin serî li Serdozgeriya Komarê ya Bûrsayê dan.&nbsp;

	&nbsp;

	PARÊZER TÊN ASTENGKIRIN&nbsp;

	&nbsp;

	Ji parêzerên Ocalan, Rêzan Sarica û Newroz Ûysal herî dawî di 7’ê Tebaxa 2019’an de li gel miwekîlê xwe hevdîtin pêk anîbûn. Ji wê rojê ve destûra parêzeran nayê dayîn ku biçin hevdîtinê.

	&nbsp;

	Serdozgeriya Komarê ya Bûrsayê bi boneya “Nexşerêya” Ocalan a di sala 2009’an de pêşkêşî Dadgeha Mafê Mirovan a Ewropayê kiribû, di 23’yê Îlonê de bi dema 6 mehan qedexeya hevdîtinê danî ser parêzeran.&nbsp;

	&nbsp;

	MALBATAN SERLÊDAN KIR&nbsp;

	&nbsp;

	Li aliyê din birayê Ocalan, Mehmet Ocalan û wasiyê wî Mazlûm Dînç jî bi boneya serê salê ku biçin Îmraliyê hevdîtin bikin serî li Serdozgeriya Bûrsayê dan. Her wiha malbatên Omer Hayrî Konak, Hamîlî Yildirim û Veysî Aktaş ên li gel Ocalan dimînin jî ji bo hevdîtinê serî li serdozgeriyê dan.&nbsp;

	&nbsp;

	&nbsp;

	Her wiha biryara qedexekirina hevdîtina telefonê jî bo dema 6 mehan di 7’ê îlonê de hat sepandin.&nbsp;

	&nbsp;