
Rojnamevan Yilmazoglû nehat berdan      

2020-12-29 16:12:55


	&nbsp;

	STENBOL – Rojnamevan Ferda Yilmazoglû ku 30 meh girtî tê darizandin dîsa nehatin berdan.&nbsp;

	&nbsp;

	Danişîna sêyemîn a doza rojnamevan Ferda Yilmazoglû, endama Meclîsa Jinan a HDP’ê Seyhan Çîçeklî û Tegmen Ozturk, Farûk Ozturk, Hanim Bozkûrt, Heremsî Ozturk, Jiyan Ozturk, Betul Ozturk ku bi îdiaya “endamên rêxistinê ne” tên darizandin li Dadgeha Cezayê Giran a 30’yemîn a Çaglayana Stenbolêh at lidarxxistin. Yilmazoglû û Çîçeklî yên ku ev 30 meh in girtî tên darizandin ji girtîgeha lê tên ragirtin bi rêya dîmen û deng beşdarî danişînê bûn. Piştî tespîta nasnameyan danişînê dest pê kir. Yilmazoglû û Çîçeklî parastina xwe kirin û sûcên li ser xwe red kirin û xwestin werin berdan.&nbsp;

	&nbsp;

	Parêzeran jî parastina miwekîlên xwe kirin û diyar kirin ku li gel 30 meh in miwekîlên wan girtî ne jî heta niha tu delîlên li ser wan nehatine tespîtkirin û îfadeyên şahidên eşkere rastiyê nade nîşandan.&nbsp;

	&nbsp;

	Dozger xwest “bersûc” girtî werin darizandin û kêmasiyên di dosyeyê de werin temamkirin.&nbsp;

	&nbsp;

	Şandeya dadgehê xwest ji bo şahida nav eşkere Mevlude Gunduz ku hêj îfadeyên wê nehatine girtin bînin dadgehê muzakere were nivîsandin, biryara dewama girtina “bersûcan” da û danişînê taloqî 23’yê adara 2021’an kir.&nbsp;

	&nbsp;