Olûç û Başaran serdana Demîrtaş û Zeydan kirin  

2020-12-28 16:38:34


	 

	ENQERE – Cîgirê Serokê Koma HDP’ê Sarûhan Olûç û Berdevka Meclîsa Jinan a HDP’ê Ayşe Acar Başaran serdana Selahattîn Demîrtaş û Abdullah Zeydan kirin. 

	 

	Cîgirê Serokê Koma HDP’ê Sarûhan Olûç û Berdevka Meclîsa Jinan a HDP’ê Ayşe Acar Başaran çûn Girtîgeha Edîrneyê ya Ewlehiya Bilind a Tîpa F û serdana Hevserokê berê yê HDP’ê Selahattîn Demîrtaş û Parlamenterê berê yê HDP’ê Abdullah Zeydan kirin. 

	 

	Buroya Çapemeniyê ya HDP’ê derbarê hevdîtinê de vê daxuyaniyê da: “Di rojeva hevdîtinê de biryara Dadgeha Mafê Mirovan a Ewropayê ku derbarê Selahattîn Demîrtaş dabû hebû. Di hevdîtinê de hat destnîşankirin ku pêdiviya Tirkiyê bi demokratîkbûyîn û serdestiya hiqûqê heye. Her wiha di hevdîtinê de bal kişandine ser girîngiya tevgerek hevpar a muxalefeta demokratîk.”