
Li Mêrsîn û Hatayê qurbaniyên Komkujiya Mereşê hatin bibîranîn  

2020-12-25 15:07:21


	&nbsp;

	MÊRSÎN - Şaxên ÎHD’ê yên Mêrsîn û Îskenderûnê kesên di Komkujiya Mereşê jiyana xwe ji dest dabûn bi bîr anîn.

	&nbsp;

	Rêveber û endamên Komeleya Mafê Mirovan (ÎHD) ên şaxên Mêrsîn û navçeya Îskenderûnê ya Hatayê kesên di Komkujiya Mereşê de jiyana xwe ji dest dabûn bi bîr anîn.

	&nbsp;

	MÊRSÎN

	&nbsp;

	Şaxa ÎHD’ê ya Mêrsînê têkildarî kesên di Komkujiya Mereşê de li avahiya xwe civîna çapemeniyê li dar xist. Endamê Komîsyona Jinan a Şaxa ÎHD’ê ya Mêrsînê Zeynep Benlî diyar kir ku êşa komkujiyê nehatiye jibîrkirin û wiha got: “Heta ku Tirkiye ji ber van sûcan lêborînekê nexwaze, aştiyeke civakî ne pêkane. Ji ber vê yekê divê Komkujiya Mereşê were ronîkirin, ji elewiyan lêborîn bê xwestin û berpirsyar werin darizandin.”

	&nbsp;

	ÎSKENDERÛN

	&nbsp;

	Şaxa ÎHD’ê ya Îskenderûnê jî bi heman armancê daxuyanî da û qurbaniyên komkujiyê bibîr anî. Serokê Şaxa ÎHD’ê yê Îskenderûnê Coşkûn Selçûk banga rûbirûbûna bi Komkujiya Mereşê re kir û got: “Em weke parazvanên mafên mirovan edaleta cezayî dixwazin. Dixwazin ku sûcên li dijî mirovahiyê bên darizandin û hesaba wan were pirsîn.”

	&nbsp;