
Siyasetmedar Şerafettîn Elçî li ser gora xwe hat bibîranîn  

2020-12-25 14:48:11


	ŞIRNEX – Malbat û HDP’ê siyasetmedarê kurd Şerafettîn Elçî di salvegera 8’emîn a koçî dawî de ew li ser gora wî bibîr anî.&nbsp;

	Siyasetmedarê kurd Şereafettîn Elçî di 25’ê kanûna 2012’an de dema li Enqereyê li nexweşxaneyek dihat tedawîkirin jiyana xwe ji dest dabû. Salvegera 8’emîn a koça dawî ya Elçî ye. Malbata Elçî û rêveberên HDP’ê li ser gora Elçî ya li Goristana Cizîrê bîranîn li dar xist û ew bibîr anîn. Parlamenterê HDP’ê yê Şirnexê Hasan Ozguneş, Serokê Baroya Şirnexê Nûşîrevan Elçî, ferdên malbata Elçî û rêveberên HDP’ê beşdarî bîranînê bûn û qerenfîl danîn ser gora Elçî.

	&nbsp;

	Nûşîrevan Elçî di bîranînê de axivî û diyar kir ku Elçî di pêvajoyek ku herî zêde pêdiviya kurdan pê hebû koça dawî kir û niha ew bêtir nebûna û kêmasiya wî ferq dikin.&nbsp;

	&nbsp;

	Parlamenter Hasan Ozguneş jî axivî û anî ziman ku bi boneya Elçî ji bo têkoşîna gelê kurd bedel daye ew “şehîdê azadiyê ye” û ji zarokatiya xwe ve têkoşiyaye û gelek caran hatiye binçavkirin û girtin. Ozguneş destnîşan kir ku aramanca herî mezin a rehmetî Elçî ew bû ku yekîtiya neteweyî ya kurd pêk were û têkoşîna wî rêya wan ronî kiriye.&nbsp;

	&nbsp;

	
		HDP'Ê ELÇÎ BIBÎR ANÎ&nbsp;
	
		&nbsp;
	
		Desteya Rêveberiya Navenda Giştî ya Partiya Demokratîk a Gelan (HDP) jî têkildarî salvegera 8'emîn a koça dawî ya Şerafettîn Elçî de daxuyaniyek nivîskî belav kir û Elçî bibîr anî. HDP'ê destnîşan kir ku kesayet û sekna Elçî her tim ji bo wan bûye îlham û dê xeyalên wî pêk bînin.&nbsp;


	&nbsp;