
Di doza Redhackê de mutalaa hat xwestin  

2020-12-15 14:27:18


	STENBOL – &nbsp;Di doza Redhackê de dadgehê ji bo ku mutalaa bê amadekirin dosyayê ji dozger re şand û danişînî taloq kir.&nbsp;

	&nbsp;

	Li Stenbolê, ji ber ku têkildarî pevnivîsên postaya elektronîn ên Wezîrê Darayî yê Berê Berat Albayrak nûçe çêkiribûn, bi angaşta “endamtiya rêxistinê” , “propagandaya rêxistinê” , “astengkirina pergala înformatîkê” û “ tunekirina daneyan” doz li rojnameger Tûnca Ogreten, Mahîr Kanaat, Derya Okatan, Omer Çelîk, Eray Sargin û Metîn Yoksû hatibû vekirin. 10’emîn danişîna dozê li 29’emîn Dadgeha Cezaya Giran a Stenbolê ya Çaglayanê hat dîtin.&nbsp;

	&nbsp;

	XWEST BÊN CEZAKIRIN

	&nbsp;

	Danişîna ku rojnameger Mahîr Kanat û Tûnca Ogreten tevlî bûn de parêzer jî lê amade bûn. Piştî tespîtkirina nasnameyan danişînê dest pê kir. Destpêkê parêzerê Berat Albayrak xwest ku bersûc bên cezakirin.&nbsp;

	&nbsp;

	DAXWAZA BERAETÊ KIRIN&nbsp;

	&nbsp;

	Piştî parêzerê Albayrak, rojnameger Mahîr Kanat û Tûnca Ogreten û parêzerên xwe jî mafê axaftinê girtin û parastinê kirin. Parêzeran daxwaz kir ku biryara şertê kontrola edlî ya derbarê wan muwekîlê wan de bê rakirin. Her du rojnamegeran jî xwestin ku darizandina wan bi dawî bibe û bên beraetkitin.&nbsp;

	&nbsp;

	DOSYA JI DOZGER RE HAT ŞANDIN

	&nbsp;

	Dadgehê, piştî navbereke kurt daxwaza parêzerên wan a şertê kontrola edlî red kir û ji bo ku mutalaa bê amadekirin dosyayê ji dozger re şand û danişînî taloqî 5’ê gulana 2021’an kir.

	&nbsp;

	&nbsp;